2 Samuele 5:6 - MUKANDA WA MYIDI MUKULU

⁶ Mukalenga Davide ne bantu bavuaye nabu, kuya kuluisha bena mu tshimenga tshia Yerushalayime. Ke bena Yebusa bavua base mu tshimenga atshi, kuambila Davide ne: — Kuakubuela mu tshimenga tshietu to. Bualu nansha bampofu ne bantu badi batebuke badi anu mua kupeta bukole bukumbane bua kukuipata. Bavua bafuna mushindu ewu bua kujadika ne: Davide kena mua kukuata tshimenga to.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mukelenge ne bantu bandi bakaya ku Yelushalema bua kuluanganabo ne Bena Yebuse, bena buloba. Bakambila Davidi ne, Wewe kuena ubuela munemu, anu haumusha bafofo ne balema, bela meji ne Davidi kena mua kubuelamu.

2 Samuele 5:6 ပူးပေါင်းရင်းမြစ်များ

Genese 14:18

Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

2 Samuele 22:30

Patudi nebe ndi ntupika, mbanda pa bimana. Mvidi Mukulu wanyi, paudi ungambuluisha, ndi mua kutupika bimana bikole.

Nsumuinu 21:22

Muena meji udi mua kukuata tshimenga tshidi bilobu bilame. Udi mua kushimbula bimana biatshi bivua bena ditunga batekemena.

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Yoshua 10:3

Nanku mukalenga Adoni-Sedeke kubikidisha bakalenga aba: Okame, mukalenga wa mu Ebrone; Pirame, mukalenga wa mu Yarmute; Yafiya, mukalenga wa mu Lakishe; ne Debire, mukalenga wa mu Eglone. Kubambilaye ne:

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Yoshua 18:28

Sela, Elefe, tshimenga tshia bena Yebusa, mmumue ne: Yerushalayime, Ngibeya ne Kiriyate. Bimenga bionsu bivua dikumi ne binayi, tusangishe ne misoku ivua mutumba. Ke buloba bua bena Binyamine bilondeshile muvua meku abu.

Balombodi 1:21

Ndelanganyi ya Binyamine kupangila mua kuipata bena Yebusa bavua basomba mu tshimenga tshia Yerushalayime. Nanku bena Yebusa ne bena Binyamine badi basomba pamue mu Yerushalayime too ne ku mpindiewu.

Balombodi 1:8

Bena Yuda kuluisha tshimenga tshia Yerushalayime, kutshikuata. Kushipabu bantu, kuosha ne tshimenga.