2 Samuele 5:3 - MUKANDA WA MYIDI MUKULU

³ Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

³ Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

2 Samuele 5:3 ပူးပေါင်းရင်းမြစ်များ

2 Samuele 2:4

Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 2:7

Mpindiewu, nuikale ne dikima, nudileje bantu ba bukitu. Mfumuenu Shawule mmumane kufua. Meme Davide ke udi bena Yuda bajidile bua nshale mukalenga wenu.”

2 Samuele 3:21

Abnere kuambila Davide ne: — Mukalenga, ndi musue kupingana bua kuyukila ne bena Izrayele bonsu bua bashale ku luseke luebe. Nebatue nebe ndondu. Nanku neushale mukalenga wa ditunga dijima bu muudi ujinga. Davide kulayangana bimpe ne Abnere. Awu kumuka, kabayi bamutatshishe kudi muntu.

1 Bakalenga 1:34

Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

2 Bakalenga 11:17

Mutuangaji Yoyada, kufikisha mukalenga Yowashe pamue ne bena Izrayele bonsu ku ditua ndondu ne Maweja-Nangila. Bua ndondu awu, bena Izrayele kuitaba bua kuikala bantu ba Maweja-Nangila. Mutuangaji kufikisha kabidi mukalenga Yowashe ku ditua ndondu ne bantu bende bena Izrayele.

1 Kulondolola 11:1

Bisamba bionsu bia bena Izrayele, kuya kudi Davide mu Ebrone. Kumuambilabi ne: — Tudi bena muntu. Tudi bena diku diebe.

1 Kulondolola 11:3

Bakulu bonsu ba bena Izrayele kuya kudi mukalenga Davide mu tshimenga tshia Ebrone. Davide kutua nabu ndondu kumpala kua Maweja-Nangila. Bobu kumujidila bua ashale mukalenga wa bena Izrayele, bua kukumbaja diyi dia Maweja-Nangila divua Samuwele muambe.

1 Kulondolola 28:4

Kadi Maweja-Nangila Mvidi Mukulu wa Izrayele uvua munsungule munkatshi mua bena diku dia tatu wanyi, bua meme ne ndelanganyi yanyi tushale mu bukalenga kashidi mu Izrayele. Ku kale, uvua musungule tshisamba tshia bena Yuda bua tshikale tshisamba tshia bukalenga. Pashishe mu tshisamba tshia bena Yuda, wakasungula diku dia tatuanyi. Munkatshi mua bana ba balume ba tatuanyi, kunsungulaye bua nshale mukalenga wa bisamba bionsu bia bena Izrayele.

2 Kulondolola 23:16

Mutuangaji Yoyada kutua ndondu, pamue ne mukalenga Yowashe, kabidi ne bena Izrayele bonsu, bua bonsu bikale tshiakabidi bantu ba Maweja-Nangila.

Ekesode 3:16

Ndaku, ubikile bakulu ba bena Izrayele bonsu, ubambile ne: “Maweja-Nangila, Mvidi Mukulu wa bankambua benu, wa Abrahame, wa Izake ne wa Yakobe mmummuenekele. Mmungambile ne: Ndi mumone mudibu banukengesha kudi bena Ejipitu.

Yoshua 10:36

Yoshuwa kutungunuka ne bena Izrayele, kumuka mu tshimenga tshia Eglone, kubanda too ne ku tshimenga tshia Ebrone. Kuluishabu bena tshimenga atshi.

Balombodi 11:11

Ke Yefete kuya ne bakulu ba mu Ngilaade abu. Bena Izrayele kumuteka mulombodi wa bena mvita. Nanku Yefete kujadika diumvuangana diabu ne bakulu abu ku Mispa, muaba uvua Maweja-Nangila.

1 Samuele 11:15

Bena Izrayele bonsu kuya ku Ngilgale. Bafike mu nzubu wa Mvidi Mukulu, kubandabu tshiakabidi Shawule mu bukalenga. Pashishe kulambulabu Maweja-Nangila milambu ya bobumue. Nanku Shawule ne bena Izrayele bonsu, kusanka bikole.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 23:18

Yonatane ne Davide kutua ndondu wa bulunda mu dina dia Maweja-Nangila. Ke Yonatane kupingana kuende, Davide kushalaye ku Orsha.