2 Samuele 5:19 - MUKANDA WA MYIDI MUKULU

¹⁹ Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Davidi wakebesha Yehowa ne, Nenye kuluangana ne Bena Peleshete, anyi? Wewe neubafile mu bianza bianyi, anyi? Yehowa wakambila Davidi ne, Ya biebe, bulelela, nenfile Bena Peleshete mu bianza biebe.

2 Samuele 5:19 ပူးပေါင်းရင်းမြစ်များ

2 Samuele 2:1

Bionsu ebi bimane kupita, Davide kukonka Maweja-Nangila ne: — Ndi mua kuya kusomba mu tshimenga tshikuabu tshia ku bimenga bia Yuda anyi? Maweja-Nangila ne: — Eyowa. Davide kumukonka kabidi ne: — Ndi mua kuya mu tshimenga kaayi? Maweja-Nangila kuandamuna ne: — Udi mua kuya mu Ebrone.

2 Samuele 5:23

Dayide kukonka kabidi Maweja-Nangila. Maweja-Nangila kuandamuna ne: — Kuena mua kubaluisha muaba ewu to! Kadi ubapingane pa nyima. Usemene pabuipi nabu ku mpenga kua ditu dia mitshi ya mikokuliye.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Yakobe 4:15

Nuvua mua kuamba ne: “Pasua Mvidi Mukulu, netuikale ne muoyi, netuenze etshi, netuenze tshiatshia.”

Balombodi 20:28

Pinase, muana wa balume wa Elazare (Elazare uvua muana wa Arone), ke uvua mulame mushete awu. Bena Izrayele kuebeja Maweja-Nangila bua kumanya ne: tudi mua kuya kuluisha kabidi bana betu bena Binyamine, anyi katuena mua kuya. Maweja-Nangila kubambila ne: — Nuye kubaluisha. Malaba nembafile mu bianza bienu.

1 Samuele 22:15

Dituku adi, dindi mukonke Maweja-Nangila Mvidi Mukulu bualu bua Davide, ki mmusangu wa kumpala to. Kadi meme tshiena mukuelele meji mabi to! Wewe, lekela kumbanda meme ne bena mu nzubu muanyi. Bualu meme tshivua mumanye bualu ebu to.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.