2 Samuele 5:10 - MUKANDA WA MYIDI MUKULU

¹⁰ Nanku bukole bua Davide buvua buenda buvulangane, bualu Maweja-Nangila Mvidi Mukulu wa bena Izrayele uvua nende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Davidi wakakolakola bualu bua Yehowa, Nzambi wa misumba, wakadi nʼandi.

2 Samuele 5:10 ပူးပေါင်းရင်းမြစ်များ

Genese 21:22

Matuku awu, Abimeleke ne Pikole, mulombodi wa bena mvita bende, kufika kudi Abrahame, bamuambila ne: — Mvidi Mukulu udi ukuambuluisha mu bionsu biudi wenza.

2 Samuele 3:1

Matuku mavule, muvua mvita pankatshi pa bena mvita ba Davide ne ba Shawule. Kadi bukalenga bua Davide buvua buenda budiunda, bua ndelanganyi ya Shawule buenda buteketa bushepeketa.

2 Samuele 7:9

Meme kukuambuluisha mu midimu yebe yonsu. Meme kubutula baluishi bebe bonsu bavua kumpala kuebe. Nenkupeteshe lumu lunene. Newikale mumanyike bu mudi bakalenga banene bonsu badi bamanyike bikole pa buloba.

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Misambu 24:10

— Mukalenga munene ewu nnganyi? — Mukalenga munene ewu ke Maweja-Nangila, mfumu wa buloba ne wa bionsu bidipu!

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Agayi 2:4

Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

Luke 2:52

Yezu uvua utantamana, ukola ne meji. Uvua ulengelela Mvidi Mukulu, ulengelela kabidi ne bantu.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

1 Samuele 18:12

Shawule kutshina Davide. Bualu uvua mujadike ne: Maweja-Nangila mmumane kumbenga, musungule amu Davide.

1 Samuele 18:14

Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

1 Samuele 18:5

Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.