2 Samuele 4:8 - MUKANDA WA MYIDI MUKULU

⁸ Kufikabu ne mutu wa Ishebaale kudi mukalenga Davide ku Ebrone, bamuambila ne: — Mukalenga, tangila mutu wa Ishebaale, muana wa muluishi webe Shawule, uvua ukeba mua kukushipa. Lelu Maweja-Nangila mmusombuele Shawule ne ndelanganyi yende bualu buebe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakalua ne mutu wa Ishi-boshete kudi Davidi mu Hebelone, bakambila mukelenge ne, Tangila, mutu wa Ishi-boshete, muana wa Shaula, muena lukuna webe wakakeba muoyo webe; Yehowa wakasombuela mukelenge wetu lelu bua Shaula ne bana bandi.

2 Samuele 4:8 ပူးပေါင်းရင်းမြစ်များ

2 Samuele 18:19

Akimase, muana wa Sadoke, kuambila Yowabe ne: — Itabe nye lubilu bua kuambila mukalenga Davide, mushindu udi Maweja-Nangila mu-mulumbuluila, mu bianza bia baluishi bende.

2 Samuele 18:31

Mutantshi mukese, muena Kushe kufika. Kuambilaye mukalenga Davide ne: — Mukalenga, ndi ne bualu bua disanka bua kukuambila. Maweja-Nangila ke udi mukose tshilumbu tshiebe lelu, bualu mmukusungile mu bianza bia baluishi bebe.

2 Samuele 2:8

Abnere, muana wa Nere, mfumu munene mulombodi wa bena mvita ba Shawule, uvua munyeme ne Ishebaale, muana wa Shawule, ku Makanayime.

2 Samuele 22:48

Mvidi Mukulu udi usombuela baluishi banyi, untekeshila bisamba bia bantu.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Matayi 2:20

umuambila ne: — Juka, angata muana ne mamuende, upingane nabu mu ditunga dia bena Izrayele. Bualu bantu bavua bakeba kushipa muana mbamane kufua.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

1 Samuele 18:11

Diakamue Shawule kufuna ne difuma, udiambila ne: “Ndi mbambila Davide ku tshimana eku.” Shawule kuela difuma misangu ibidi, Davide kupanduka.

1 Samuele 19:1

Shawule kumanyisha muanende Yonatane, ne balombodi bonsu ba bukalenga buende meji avuaye muele bua kushipa Davide. Kadi bu muvua Yonatane munange Davide bikole,

1 Samuele 19:15

Shawule kutuma bantu abu musangu muibidi ne: — Pinganayi, nuye kudimuena Davide nkayenu. Nufike nende, nansha yeye mu bulalu, bua mmushipe!

1 Samuele 20:1

Davide kumuka ku Nayote pabuipi ne Rama, kuya kudi Yonatane, muana wa Shawule, umukonka ne: — Mbualu bubi kaayi bundi muenze? Ntshilema kaayi tshindi muenzele tatuebe? Shawule udi ukeba kunshipa.

1 Samuele 23:15

Davide umona ne: Shawule udi wenda unkeba ne mvita bua kunshipa, kusombaye ku Orsha mu tshipela tshia Zife.

1 Samuele 24:4

Shawule upitshila muaba uvua bikumbi bia mikoku pabuipi ne njila, kumonaye lubuebue, kubuelaye mu lubuebue alu bua kusesuka. Kadi, Davide ne bantu bavuaye nabu, bavua basokome munda mua lubuebue alu ku luseke.

1 Samuele 25:29

Mukalenga Davide, pikala muntu wenda ukukeba bua kukushipa, Maweja-Nangila Mvidi Mukulu webe neakulame anu pabuipi nende. Maweja-Nangila neipate baluishi bebe, neabasake kule, anu bu mudibu bela lusoka mu ndundu.