2 Samuele 3:35 - MUKANDA WA MYIDI MUKULU

³⁵ Butuku kabuyi buanji kuila, bantu kusemena kudi mukalenga Davide bua kumupesha biakudia. Kadi mukalenga Davide kuditshipa, wamba ne: — Meme mudie tshipese tshia diampa, nansha tshintu tshikuabu, butuku kabuyi buanji kuila, Maweja-Nangila annyoke ne dinyoka dikole!

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Hashishe bantu bonso bakalua kudi Davidi bua adie biandi, diba ditshidi mulu; kadi Davidi wakaditshiha ne, Nzambi atambe kungela mulau binalabula bidia anyi bintu bikuabo diambedi diba kadiyi dianze kubuela.

2 Samuele 3:35 ပူးပေါင်းရင်းမြစ်များ

2 Samuele 1:12

Kudilabu muadi too ne ku dilolu, bajila biakudia. Ke mushindu uvuabu benza madilu a Shawule, a Yonatane, ne a bena Izrayele bonsu, bantu ba Maweja-Nangila, bavua bafue mu mvita dituku adi.

2 Samuele 12:17

Bena mudimu bende bakulumpe kumutendakena bua ajuke panshi. Kubengaye. Kabidi kubengaye bua kudia nabu kantu nansha kamue.

2 Samuele 3:34

Bianza biebe kabavua babisuika mionji, makasa ebe kabavua baela mu tshikunyi. Udi mufue bu muntu mutapa kudi bantu babi, bashipianganyi! Bantu bonsu bavua ku lukita aku, bavua amu badila.

2 Samuele 3:36

Bantu bonsu kumanya bualu abu, kusanka. Misangu yonsu bantu bavua banyisha bivua Davide wenza.

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

1 Kulondolola 10:12

Bantu ba mu Yabeshe bavua ne dikima, kuya kuambula tshitalu tshia Shawule ne bia bana bende bua kupingana nabi mu Yabeshe. Kujikabu mifuba yabu muinshi mua mutshi wa kampanga-nzevu, wa mu Yabeshe. Kushalabu bajila biakudia matuku muanda mutekete.

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Yezekiyele 24:17

Udidile anu munda munda. Kadi kutekeshi madilu to. Vuala tshitambala tshiebe ku mutu, ne bisabata biebe bu matuku makuabu. Kusokoki mpala, kudi biakudia bidi bena mutumba bakutuadila bua madilu.

Yezekiyele 24:22

Diba adi nenuenze bu muvua Yezekiyele muenze. Kanuakusokoka mpala, kanuakudia biakudia bidi bena mutumba bafike nabi mu madilu.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:26

Ke bena Izrayele bonsu kuya ku Betele. Bantu kusomba muaba uvua Maweja-Nangila, bua kudila. Dituku adi kujilabu biakudia too ne ku dilolu. Kulambulabu Maweja-Nangila milambu ya kuosha, ne ya bobumue.

Rute 1:17

Kuwafuila nenkufute panyi, nkuanjikabu kabidi. Meme tshiyi muenze nanku, kayanda kanyi, Maweja-Nangila angangate.

1 Samuele 3:17

Eli kumukonka ne: — Maweja-Nangila wakuambidi tshinyi? Kunsokoki bualu nansha bumue to. Wewe munsokoke bualu nansha bumue budi Mvidi Mukulu mukuambile, nemmulombe bua akunyoke bikole bitambe.