2 Samuele 3:18 - MUKANDA WA MYIDI MUKULU

¹⁸ Mpindiewu, tshikondu tshiakumbanyi tshia kuenza bualu abu! Bualu Maweja-Nangila uvua mumane kuamba bua Davide ne: “Anu muntu wanyi Davide ke wasungidila bantu banyi bena Izrayele, mu bianza bia bena Peleshete ne mu bianza bia baluishi babu bakuabu bonsu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Katataka nushikishe bualu ebu: bualu bua Yehowa wakamba bua Davidi ne, Nensungile bantu banyi Bena Isalele mu bianza bia Bena Peleshete ne mu bianza bia bantu bonso badi nʼabo lukuna ku tshianza tshia muntu wanyi Davidi.

2 Samuele 3:18 ပူးပေါင်းရင်းမြစ်များ

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 15:28

Ke Shawule kushala ne tshipesa ku bianza. Samuwele kuambila Shawule ne: — Ke mudi Maweja-Nangila upanda bukalenga bua bena Izrayele, ukunyengabu lelu, bua kubupesha muntu mukuabu wa nsongu mukupite wewe.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”