2 Samuele 3:12 - MUKANDA WA MYIDI MUKULU

¹² Ke Abnere kutuma bantu kudi Davide bua kumukonka ne: “Ditunga edi ndia nganyi? Tutue nebe ndondu. Nenkuambuluishe bua bena Izrayele bonsu bumvuangane nebe.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Abinê wakatumina Davidi ba-messager, bakamukonka ne, Buloba ebu mbua nganyi? Bakamuambila kabidi ne, Uhunge nʼanyi tshihungidi ne mona, tshianza tshianyi netshikale kûdi bua kulua ne Bena Isalele bonso kûdi.

2 Samuele 3:12 ပူးပေါင်းရင်းမြစ်များ

2 Samuele 19:14

Pashishe, nuye kungambidila Amasha ne: “Kuena mulele wanyi anyi? Nanku, Mvidi Mukulu annyoke ne dinyoka dikole, pangikala tshiyi mukupingaje muaba wa Yowabe kashidi, bua wewe kuikala mulombodi wa bena mvita banyi!”

2 Samuele 19:41

Mukalenga Davide kuya ne Kimhame ku Ngilaade. Bena Yuda bonsu, ne tshia bibidi tshimue tshia bena Izrayele bavua ku mutu mu ditunga, kuyabu ne mukalenga Davide.

2 Samuele 19:6

Yowabe kuya kudi mukalenga Davide mu nzubu muende, umuambila ne: — Paudi udila nenku lelu, udi ufuisha bena mvita bebe bundu. Bobu ke badi basungidila wewe, bana bebe ba balume, bana bebe ba bakaji, ne bakaji bebe bonsu.

2 Samuele 3:11

Ishebaale uvua uzakala bikole ne bowa, kayi ne mushindu wa kuandamuna Abnere muaku nansha umue to.

2 Samuele 3:13

Davide kuitaba ne: “Eyowa, ndi muanyishe bua kutua nebe ndondu. Kadi ndi nkulomba anu tshintu tshimue: bua meme kumonangana nebe, ufike ne mukajanyi Mikale, muana wa Shawule. Anu wewe mufike nende, nanku netuyukile nebe.”

2 Samuele 3:21

Abnere kuambila Davide ne: — Mukalenga, ndi musue kupingana bua kuyukila ne bena Izrayele bonsu bua bashale ku luseke luebe. Nebatue nebe ndondu. Nanku neushale mukalenga wa ditunga dijima bu muudi ujinga. Davide kulayangana bimpe ne Abnere. Awu kumuka, kabayi bamutatshishe kudi muntu.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

2 Samuele 3:38

Mukalenga Davide kuambila kabidi Balombodi ba mu bukalenga buende ne: — Mfumu, mfumu munene wa bena Izrayele mmufue lelu. Nudi bela meji bimpe ku bualu ebu anyi?

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.