2 Samuele 24:2 - MUKANDA WA MYIDI MUKULU

² Mukalenga Davide kuambila Yowabe, mfumu wa bena mvita bende bavua bamulame, ne: — Endakana mu ditunga dijima dia bena Izrayele, kuinshi kua ditunga too ne ku mutu, bua babadike bantu. Ndi musue kumanya bungi bua bantu.

Mukanda wa Nzambi Dihungila Dikulukulu ne Dihungila Dihia-dihia 2003

² Mukelenge wakambila Yoaba, kapitene ka masalayi andi, wakadi nʼandi ne, Wendakane munkatshi mua bisamba bionso bia Bena Isalele, ku Dana tô ne ku Bê-sheba, ubale bantu, bua meme kumanya bungi buabo.

2 Samuele 24:2 ပူးပေါင်းရင်းမြစ်များ

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

2 Samuele 17:11

Lungenyi luanyi ludi nunku: Ubikidishe bena mvita bonsu ba bena Izrayele, biangatshile ku Dane too ne ku Bersheba, bikale bungi bu lusenga ludi ku muelelu wa mayi manene. Pashishe, wewe nkayebe uye nabu mu mvita amu.

2 Samuele 2:13

Yowabe, muana wa Seruya, ne bena mvita bavua balame Davide, kutuadijabu kabidi luendu. Bisumbu ebi bibidi bia bena mvita, kusambakena pabuipi ne dijiba dia Ngibone. Kuelabu mualu wa mvita, aba ku luseke, bakuabu ku luseke lua dijiba adi.

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 23:37

Seleke, muena Amone, Narayi, wa mu Beyerote, uvua wambula bia mvita bia Yowabe, mansebende wa Davide;

2 Samuele 24:15

Nanku Maweja-Nangila kutumina bena Izrayele tshipupu tshia disama biangatshile dinda adi too matuku asatu. Mu ditunga adi dijima, bantu bavua bafue binunu makumi muanda mutekete.

2 Samuele 3:10

Bualu Maweja-Nangila uvua mumane kuditshipa bua kumusha bukalenga mu nzubu mua Shawule, kubupesha Davide, bua bukalenga bua Davide budiunde mu ditunga dia bena Izrayele, ku mutu wadi too ne kuinshi, mudiye nabu mu ditunga dia bena Yuda.

2 Samuele 8:16

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua umanyisha bantu malu a mu bukalenga.

1 Kulondolola 21:2

Mukalenga Davide kuambila Yowabe ne balombodi bakuabu ba bena mvita bende ne: — Ndayi mu ditunga dijima dia bena Izrayele, kuinshi kua ditunga too ne ku mutu, nubadike bantu. Pashishe nupingane bua kummanyisha, bualu ndi musue kumanya bungi bua bantu bonsu.

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.