2 Samuele 24:17 - MUKANDA WA MYIDI MUKULU

¹⁷ Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hakatangila Davidi muanjelo wakadi ushiha bantu, yeye wakambila Yehowa ne, Mona, nakenza bibi, nakenza bualu buhote; kadi mikoko ei yakenza tshinyi? Ndi nkusengelela ne, Tshianza tshiebe tshikale kundi ne ku tshiota tshia tatu wanyi.

2 Samuele 24:17 ပူးပေါင်းရင်းမြစ်များ

Genese 18:23

Abrahame kusemena kudiye, umukonka ne: — Maweja-Nangila, neubutule muntu muakane pamue ne muena tshibawu anyi?

Genese 44:33

Nanku ndi nkusengelela ne: unkuate meme lukole, nshale mupika webe. Ulekele muana, apingane ne bana babu kuetu.

2 Samuele 12:13

Davide kuandamuna muambi Natane ne: — Ndi mumanye ne: ndi muenze bibi kumpala kua Maweja-Nangila. Muambi Natane kumuambila ne: — Nanku, Maweja-Nangila udi ukufuila luse. Kuena ufua to.

2 Samuele 24:10

Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

2 Samuele 7:8

“Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

1 Bakalenga 22:17

Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Yobe 7:20

Nansha meme muena tshibawu, bidi bikutonda bua tshinyi, paudi musue amu kutentekela bantu? Ndi mukuenze bujitu anyi? Udi uludika mikete yebe, bua inkuate amu meme bua tshinyi?

Misambu 32:5

Kadi mpindiewu ndi mukutondele bubi buanyi, tshiena mukusokoke bilema bianyi. Mvua muambe ne: “Ndi muena tshibawu, ndi ne bua kutondela Maweja-Nangila bimvua muenze.” Ke wewe kumusha tshibawu tshia mibi yanyi.

Misambu 44:11

Ukadi utunyemesha kumpala kua bena lukuna betu. Ke baluishi betu kupawula bintu ne disanka.

Misambu 74:1

Kasala ka mu mukanda wa misambu ya Asafe. Mvidi Mukulu wanyi, udi mutubenge kashidi bua tshinyi? Udi mutulamine tshiji bua tshinyi? Tuetu bikale mikoku ya mu tshikumbi tshiebe?

Misambu 78:71

uvua mumuangate pavuaye ulonda mikoku mu nyima, bua kuikala mulami wa bena Izrayele, bantu bende bavuaye mupite kunanga.

Ekesode 10:16

Mukalenga wa bena Ejipitu kubikila Moshe ne Arone lukasa wamba ne: — Ndi muenzele Maweja-Nangila Mvidi Mukulu wenu bibi ne nuenu kabidi!

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yona 1:12

Yona kubambila ne: — Nsakilayi mu mayi, bua mavuala abatame. Ndi mumanye ne: bua bubi buanyi ke budi tshipepele etshi tshikole tshinukuata.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.