2 Samuele 24:16 - MUKANDA WA MYIDI MUKULU

¹⁶ Mutumibue wa Maweja-Nangila kuolola tshianza mu tshimenga tshia Yerushalayime bua kutumamu tshipupu. Kadi Maweja-Nangila kubenga. Kuambilaye mutumibue uvua ubutula bantu ne: — Kuajiki, puekesha tshianza! Diba adi, mutumibue wa Maweja-Nangila uvua pabuipi ne muaba uvua Aravna, muena Yebusa, ushipula ntete ya kuenza bukula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hakamba muanjelo kuolola tshianza tshiandi ku Yelushalema bua kubutula, Yehowa wakakudimuna dî diandi, wakambila muanjelo wakadi ushiha bantu ne, Bualu abu buakukumbana; katataka kandisha tshianza tshiebe. Muanjelo wa Yehowa wakadi hehi ne tshishihuidi tshia Alauna, Muena Yebuse.

2 Samuele 24:16 ပူးပေါင်းရင်းမြစ်များ

Genese 10:16

Kulelaye kabidi bankambua ba bena Yebusa, bena Amore, bena Ngirgashi,

Genese 6:6

Nanku Maweja-Nangila kunyingalala bua muntu uvuaye mufuke, muteke pa buloba.

2 Samuele 24:18

Anu dituku adi, muambi Ngade kuya kudi Davide, umuambila ne: — Uye muaba udi Aravna ushipula ntete ya kuenza bukula, washilapu Maweja-Nangila tshilambuilu.

2 Samuele 5:8

Dituku adi, Davide kuamba ne: “Pikala muntu musue, kutshimuna bena Yebusa, abuele mu mukidi wa mayi, udi muinshi mua buloba, bua kufika muaba udibu. Kuntelela bampofu ne batebuki nkunseka menemene.” Ke padi bantu bamba ne: “Mpofu ne bantu badi batebuka, kabena mua kubuela mu nzubu wa Mvidi Mukulu to.”

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

1 Kulondolola 1:14

Kenaane uvua nkambua wa bena Yebusa, bena Amore, bena Ngirgashi,

2 Kulondolola 3:1

Shelomu kutuadija kuibaka nzubu wa Maweja-Nangila mu Yerushalayime pa mukuna wa Moriya, muaba uvua Maweja-Nangila mumuenekele tatuende Davide. Davide uvua mumane kulongolola muaba awu, uvua Ornane muena Yebusa ushipuila ntete ya kuenza bukula.

2 Kulondolola 32:21

Maweja-Nangila kutuma mutumibue wende mu mitanda ya bena Ashure, bua kushipa bena mvita bonsu ba bukitu ne balombodi bonsu ba bena mvita. Mukalenga wa bena Ashure kupingana mu ditunga diende ne bundu. Dituku dikuabu, pavua Senakeribe ubuela mu nzubu wa mvidie wende, bana bende ba balume ba munda muende menemene kumushipa.

Misambu 135:14

Eyowa, Maweja-Nangila udi wakuila bantu bende, udi utabalela badi bamukukuila.

Misambu 35:6

Mutumibue wa Maweja-Nangila neabalondakaje, mu njila ya miidima ne ya busenu.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Yeshaya 27:8

Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Yirmeya 26:19

Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Amosa 7:6

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Abakuke 3:2

Eyi, Maweja-Nangila wanyi, ndi mumvue biuvua mungambile, kadi bidi binkuatshisha bowa. Patutshidi ne muoyi apa, utuenzele kabidi malu a dikema auvua muenzenze kale. Nansha wewe mutufikile munda pa bualu, utufuile kabidi amu luse.

Zekâya 9:7

Nempatule mukana muabu, minyinyi kayiyi mipatule mashi, nansha minyinyi buabu balambule mvidie. Bena Peleshete badi bashale ne muoyi, nebikale bantu banyi, anu bu bena diku kampanda mu tshisamba tshia Yuda. Bena Ekrone nebadisangishe ne bantu banyi, muvua bena Yebusa benza kale.

Marke 14:41

Kupinganaye musangu muisatu, ubambila ne: — Nutshidi balale tulu, bikishe? Biakumbanyi. Diba diakanyi. Tangilayi, nebafile Muana wa muntu mu bianza bia bantu babi.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

2 Korente 2:6

Bantu ba bungi ba kunudi mbamunyoke, mbikumbane.

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Balombodi 1:21

Ndelanganyi ya Binyamine kupangila mua kuipata bena Yebusa bavua basomba mu tshimenga tshia Yerushalayime. Nanku bena Yebusa ne bena Binyamine badi basomba pamue mu Yerushalayime too ne ku mpindiewu.

Balombodi 19:11

Muena Levi ne bavuaye nabu, kufika pabuipi ne tshimenga, kukavua dilolu. Muena mudimu wende kumuambila ne: — Tuyayi ku tshimenga tshia bena Yebusa bua kulalamu.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.