2 Samuele 24:13 - MUKANDA WA MYIDI MUKULU

¹³ muambi Ngade kuya ku nzubu kua Davide, umuambila bionsu bivua Mvidi mukulu muambe. Pashishe muambi kukonka Davide ne: — Usungule dinyoka diudi musue. Udi musue ditunga diebe dishale ne tshiyole tshia nzala bidimu muanda mutekete anyi? Udi musue kunyema baluishi, bobu benda amu bakulondakaja, ngondu isatu, anyi? Udi musue tshipupu tshia disama tshikengesha bena ditunga diebe, matuku asatu? Ela meji bimpe, ungandamune tshindi mua kuya kuambila udi muntume.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku Gada wakafika kudi Davidi, wakamuambila malu au, wakamukonka ne, Udi musue batume bidimu bia tshiole muanda mutekete mu buloba buebe? Anyi udi musue kunyema ku mesu kua badi nʼebe lukuna tô ngondo isatu? Anyi udi musue batume disama dikole mu buloba buebe tô matuku asatu? Ela meji, ungambile tshindi mua kuitaba kudi wakuntuma kûdi.

2 Samuele 24:13 ပူးပေါင်းရင်းမြစ်များ

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

1 Kulondolola 21:12

Udi musue ditunga diebe dishale mu tshiyole tshia nzala bidimu bisatu anyi? Udi musue kunyema baluishi bebe badi bakulondakaja ne muele ku bianza ngondu isatu anyi? Udi musue muele wa Mvidi Mukulu, disama dia tshiambu tshikole, dikengesha bena ditunga diebe matuku asatu anyi? Mutumibue wende neatangalaje disama edi mu ditunga diebe dijima dia Izrayele!” Ela meji bimpe, ungandamune tshindi mua kuya kuambila udi muntume.

Misambu 91:6

nansha tshipupu tshidi tshiendakana mu midima, nansha disama dia tshiambu didi dikuata bantu munda munya.

Ekesode 7:25

Maweja-Nangila mumane kunyanga musulu wa Nile, matuku muanda mutekete kupita nanku.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Luke 4:25

Ndi nnujadikila bulelela ne: mu tshikondu tshia Eliya, bakaji bakamba bavua ba bungi mu Izrayele. Bidimu bisatu ne ngondu isambombu mvula kavua muloke to. Tshiyole tshikole tshia nzala tshivua mu ditunga dijima.

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 28:27

Maweja-Nangila neanutumine masama mashilangane nuwuaye muenzele bena Ejipitu: mulaka, maputa, mpusu, ne tshikupi tshidi katshiyi mua kujika to.

Dielulula 28:35

Maweja-Nangila neanutumine disama dikole dia biuja. Nebinuenze mu makasa, mu binu, ku bibelu, mu mutu too ne mubidi mujima, kakuyi mushindu wa kudiondapa.

Dielulula 28:52

Baluishi abu, nebanutshintshimike mu bimenga bionsu, bidi mu ditunga didi Maweja-Nangila Mvidi Mukulu wenu munupe. Nebanuluishe too ne pupuka bimana bile bia bimenga bienu, miaba inudi nuela meji ne: tudi basokome bimpe.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.