2 Samuele 24:11 - MUKANDA WA MYIDI MUKULU

^11-12 Ke Maweja-Nangila kuambila muambi Ngade, mufidi wa ngenyi wa mukalenga Davide, ne: — Uye kudi Davide, umuambile ne: “Maweja-Nangila udi wamba ne: Ndi nkufundila manyoka asatu. Usungule diudi musue.” Butshia dinda, Davide ubika,

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bakabika Davidi ne dinda dionso, dî dia Yehowa diakalua kudiye kudi muprofete wandi Gada, mumonyi wa malu wa Davidî, ne,

2 Samuele 24:11 ပူးပေါင်းရင်းမြစ်များ

2 Samuele 12:1

Bualu buvua Davide muenze, buvua bufikisha Maweja-Nangila munda. Nanku Maweja-Nangila kutuma muambi Natane kudi Davide. Muambi Natane kufika ku nzubu kua Davide, umuambila ne: — Mu tshimenga tshikuabu, muvua bantu babidi, ewu mubanji, mukuabu mupela.

1 Kulondolola 2:19

Azuba mumane kufua, Kalebe kusela Efrata, kulela nende muana wa balume, dina diende Ure.

1 Kulondolola 21:9

Nenku Maweja-Nangila kuambila muambi Ngade, mufidi wa ngenyi wa mukalenga Davide, ne:

1 Kulondolola 25:5

Bana bonsu aba bavua ba Emane. Emane uvua ne mudimu wa kuambila mukalenga bivua Mvidi Mukulu mumumanyishe, bua kutumbisha bukole bua Mvidi Mukulu. Mvidi Mukulu uvua mupeshe Emane bana ba balume dikumi ne banayi, ne ba bakaji basatu.

1 Kulondolola 29:29

Malu onsu a mukalenga Davide mbaafunde mu mikanda idibu babikila ne: Malu menza kudi muambi Samuwele, Malu menza kudi muambi Natane, ne Malu menza kudi muambi Ngade.

2 Kulondolola 29:25

Ke mukalenga Izkiya kuteka bena Levi mu lubanza lua nzubu wa Mvidi Mukulu. Bena Levi abu bavua ne nzenze, ndibu ne nkombe, bu muvua mukalenga Davide muambe, muvuabu bambe kabidi kudi bambi, Ngade ne Natane, bavua benzela mukalenga mudimu. Ke diyi divua Maweja-Nangila muambile bambi bende abu, bua bamanyishe bantu bonsu.

1 Samuele 22:5

Dituku dikuabu, muambi Ngade kuambila Davide ne: — Kushadi kabidi ku lubuebue elu luudi munyemena to. Pingana mu ditunga dia bena Yuda. Nanku, Davide kumuka kuya mu ditu dia Erete.

1 Samuele 9:9

Shawule kuitaba ne: — Mbimpe, tuyaku. Nanku kuyabu mu tshimenga, muaba uvua muambi. Patshi wabu mu njila, kusambakenabu ne bansongakaji bafuma mu tshimenga, baya kusuna mayi. Kukonkabu bansongakaji abu ne: — Mumonyi wa malu udi muenu munemu anyi? (Ku kale, mu bena Izrayele, pavua muntu uya kuebeja Mvidi Mukulu malu, bavua bamba ne: “Tuyaye kudi mumonyi wa malu.” Nanku muntu udibu babikila mpindiewu ne: “Muambi,” bavua bamubikila kale ne: “Mmumonyi wa malu.”)