2 Samuele 23:7 - MUKANDA WA MYIDI MUKULU

⁷ Udi musue kualenga, udi utuika ndami wa tshiamu, nansha musongolu wa mutshi, wosha bionsu muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi muntu udi walenga, udi ne bua kuluata biamu ne difuma, bobo neboshibue ne kahia mu muaba wabo.

2 Samuele 23:7 ပူးပေါင်းရင်းမြစ်များ

Misambu 21:10

Pawamueneka ne tshiji, neuboshe mu tshikutu tshia kapia. — Eyowa, Maweja-Nangila ababutule, kapia kaboshe! —

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yeshaya 33:12

Bisamba bikuabu nebabioshe, bishale amu butu. Nebabiele mu kapia, bu mudi bantu bela mu kapia mitshi ya meba buabu bakose.

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

Matayi 13:30

Lekelayi, bionsu bikolele pamue too ne ku tshikondu tshia dinowa. Diba adi nengambile badi banowa ne: ‘Julayi bangabanga lupeta. Lusuikayi mu bisumbu bua kuluosha. Pashishe nuteke ntete mimpe mu diyeba dianyi.’ ”

Matayi 13:42

Nebabele mu tshikutu tshia kapia. Nebadidilemu; nebatutakajilemu menu.

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

Ebrewu 6:8

Kadi padibu bumenesha meba ne mingonga, budi bua tshianana. Mvidi Mukulu neabuele mulawu, ku nshikidilu neabuoshe.