2 Samuele 23:3 - MUKANDA WA MYIDI MUKULU

³ Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

2 Samuele 23:3 ပူးပေါင်းရင်းမြစ်များ

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

2 Samuele 22:32

Mvidi Mukulu udi anu umue, ke Maweja-Nangila. Lubuebue luetu ludi anu lumue, ke Mvidi Mukulu wetu!

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

Nehemya 5:14

Biangatshile dituku divuabu bansungule mulombodi wa buloba bua bena Yuda, mmumue ne munkatshi mua bidimu dikumi ne bibidi, biangatshile ku tshidimu tshia makumi abidi too ne ku tshidimu tshia makumi asatu ne tshibidi tshia bukalenga bua Artashasta, meme ne balombodi banyi ba mu bukalenga, katuena balombe tshintu ku bitadi biwabu balambula mulombodi wa buloba to.

Yobe 34:17

Mvidi Mukulu yeye muikale ne lukinu, uvua mua kulombola diulu ne buloba anyi? Wewe, udi mua kudiwula muena Bukole buonsu, muena malu makane anyi?

Misambu 110:2

Maweja-Nangila neafikishe bukokeshi buebe too ne kule, kubangila ku nzubu wa Mvidi Mukulu wa mu Siyone. Wewe ukokeshe baluishi badi bakunyungulukile.

Misambu 42:9

Dituku dionsu Maweja-Nangila neangenzele bimpe. Butuku bujima nemmutumbishe, mmuele tuasakidila. Nentendelele Mvidi Mukulu, bualu kudiye ndi mpeta muoyi.

Misambu 72:1

Wa mu mikanda ya Shelomu. Mvidi Mukulu wanyi, upeshe mukalenga meji, akose nsambu pa yoyi bu muudi uyikosa. Upeshe muana wa mukalenga lungenyi, alonde dikasa diebe.

Misambu 72:2

Alombole bantu bende, kayi ne kansungasunga. Ambuluishe badibu bakengesha kapayi bualu.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Nsumuinu 31:9

Ubakuile, ukose nsambu pa yoyi. Ulumbulule bilumbu bia bapele ne bakengi.”

Yeshaya 32:1

Nanku mukalenga neafike, mukalenga udi ulombola bantu bende mu buakane. Balombodi ba mu bukalenga buende, nebalonde amu njila wa buakane.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Ebrewu 1:8

Kadi bua Muana, Mvidi Mukulu uvua muambe ne: “Mvidi Mukulu, nkuasa webe udi mushindame kashidi, Neulombole bukalenga buebe mu buakane.