2 Samuele 23:20 - MUKANDA WA MYIDI MUKULU

²⁰ Benaya, muena Kabseyele, muana wa Yoyada, ne muikulu wa muena mvita wa bukitu, uvua muenze malu manene a bungi. Benaya uvua mushipe ba Ariyele babidi ba bena Mowabe. Dituku dikuabu tshikondu tshia mvula wa neje, Benaya kupueka mu tshiina tshia mayi bua kushipa nyama wa ntambue.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Benaya, muana wa Yehoyada, muana wa muena bukitu wa mu Kabesele, Wakenza biandi malu manene, wakashiha bana balume babidi ba Aliele wa mu Moaba. Yeye wakahueka kabidi, wakashiha nyama wa ntambue mu lubuebue mu tshikondo tshia neige.

2 Samuele 23:20 ပူးပေါင်းရင်းမြစ်များ

2 Samuele 1:23

Matuku abu onsu Shawule ne Yonatane bavua banangangana bikole. Dia lufu luabu, kabena bashiyangana. Bavua banyema lubilu, bapite biminyi. Bukitu buabu buvua bupite bua ntambue.

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 23:19

Uvua mumanyike bikole munkatshi muabu. Kushalaye mene mfumu wa bena tshisumbu atshi. Kadi kavua mupite “Tshisumbu tshia bena mvita basatu to.”

2 Samuele 23:21

Benaya kabidi uvua mushipe muena Ejipitu, muntu wa mukitshi, uvua ne musongolu. Benaya kumuluisha ne dikombu, kumunyenga musongolu wende ku bianza, kumushipa nawu.

2 Samuele 23:22

Ke malu awa Benaya muenze. Kupetaye lumu lunene mu tshisumbu tshia bena mvita makumi asatu.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 1:26

Kadi kena mubikile mutuangaji Sadoke, nansha Benaya, muana wa Yoyada, nansha muanebe Shelomu, nansha meme mene Natane.

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 2:46

Ke mukalenga Shelomu kutuma diyi, Benaya muana wa Yoyada kupatuka ne Shimeyi mu nzubu wa bukalenga, kumushipa. Biangatshile tshikondu atshi, bukalenga bua Shelomu kushindama bikole.

1 Kulondolola 12:8

kabidi ne Yoyela ne Zebadya bana ba Yerowame wa mu Ngedore.

1 Kulondolola 18:17

Benaya, muana wa Yoyada, uvua mulombodi wa bena Kereti ne bena Peleti, bena mvita bavua balama mukalenga Davide. Bana ba Davide bavua ne muanzu munene mu bukalenga buende.

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Yoshua 15:21

Bimenga bivuabu base mu tshitupa tshia kuinshi mu buloba bua bena Yuda, pabuipi ne Edome, ku mikalu, bivua nunku: Kabseyele, Edere, Yagure,