2 Samuele 23:14 - MUKANDA WA MYIDI MUKULU

¹⁴ Davide uvua pa mukuna uvuabu bakolesha ne bimana. Bena mvita ba bena Peleshete bavua bamane kukuata tshimenga tshia Betleyeme.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ku tshikondo atshi Davidi wakadi mu musoko wa lumbu, ne masalayi Bena Peleshete akadi mu Beteleheme.

2 Samuele 23:14 ပူးပေါင်းရင်းမြစ်များ

Genese 35:19

Rakele ufua, kumujikabu ku muelelu wa njila udi muye ku Efrata, muaba udibu binyika mpindiewu ne: Betleyeme.

2 Samuele 5:17

Bena Peleshete kupeta lumu ne: mbamane kujidila Davide bua kuikalaye mukalenga wa bena Izrayele bonsu. Nanku kuyabu bonsu kuluisha Davide bua kumukuata. Davide upeta lumu alu, kuyaye muaba uvuabu bibaka ne bimana bikole.

1 Kulondolola 12:16

Bobu aba ke bavua basabuke Yardene mu ngondu wa kumpala wa tshidimu, tshikondu tshidi mayi apasalala nseke yonsu. Kuipatabu bantu bonsu bavua base mu bibandabanda nansha bia kudi diba dipatukila nansha bia kudidi dibuelela.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 13:4

Bena Izrayele bumvua ne: Shawule ke udi mushipe mfumu wa bena Peleshete, kabidi ne: Bena Peleshete mbafikile bena Izrayele munda. Ke bena mvita bonsu ba bena Izrayele kudisangisha kudi Shawule mu Ngilgale.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 22:1

Ke Davide kumuka mu tshimenga tshia Ngate, kunyemenaye mu lubuebue lua Adulame. Bana babu ne Davide, ne bena diende bonsu, kumvuabu ne: Davide udi mu lubuebue alu. Kuyabu kudisangisha nende.

1 Samuele 24:22

Nanku utshipe mu dina dia Maweja-Nangila, bua pangikala mumane kufua, ushale kulama ndelanganyi yanyi bimpe, bua dina dianyi ne dia bena diku dianyi kadijiminyi kashidi to.