2 Samuele 23:1 - MUKANDA WA MYIDI MUKULU

¹ Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Â adi mei a kunshikidilu a Davidi: Davidi, muana wa Yishai, nyeye muntu wakabandishibua, wakedibua manyi ha mutu kudi Nzambi wa Yakoba, muimbi wa misambu mimpe wa mu Isalele, udi wamba ne,

2 Samuele 23:1 ပူးပေါင်းရင်းမြစ်များ

Genese 49:1

Yakobe kubikila bana bende bonsu, ubambila ne: — Semenayi pabuipi, unumanyishe malu adi mua kunuenzekela matuku adi kumpala aa.

2 Samuele 22:34

Udi upepeja makasa anyi, nnyema bu kabuluku, ngimana pa mikuna mitumbuke.

2 Samuele 22:51

Maweja-Nangila udi wenza malu manene, bua kuambuluisha mukalenga uvuaye musungule. Muntu uvuaye mujidile udi umufuila luse kashidi, ke Davide, ne ndelanganyi yende yonsu.

1 Kulondolola 16:7

Dituku adi, ke musangu wa kumpala uvua Davide musungule Ashafe ne bantu bende bua kutumbishabu Maweja-Nangila, bamba ne:

1 Kulondolola 16:9

Muimbilayi, numusamune ne misambu. Vuluijayi bantu bishima biende bionsu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 72:20

Ke ndekelu wa misambu ya Davide, muana wa Ishayi.

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Misambu 89:21

Ndi mupete Davide bua ikale muena mudimu wanyi, ndi mumujidile ne mafuta anyi a tshijila.

Amosa 6:5

Nudi nusaka misambu ne diyi dikole, nuyimba ne lunzenze. Nudi nuidikija Davide, nudienzela biombelu bipiabipia.

Luke 20:42

Bualu Davide mene mu mukanda wa misambu udi wamba ne: “Maweja-Nangila Mvidi Mukulu uvua wamba Mfumu wanyi ne: Somba ku diboku dianyi dia balume,

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Dielulula 33:1

Moshe, muntu wa Mvidi Mukulu kayi muanji kufua, kuelaye bisamba dikumi ne bibidi bia Izrayele lupemba, wamba ne:

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Yakobe 5:13

Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

1 Samuele 18:7

Bavua batuma misambu, bapunguluja, bela mbila ne disanka ne: “Shawule mmushipe baluishi tshinunu. Davide mmushipe binunu makumi ne makumi.”

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.