2 Samuele 22:4 - MUKANDA WA MYIDI MUKULU

⁴ Maweja-Nangila atumbe! Meme kumubikila bua angambuluishe, diakamue udi unsungidila mu bianza bia baluishi banyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nembikile dina dia Yehowa, udi ne bua kutumbishibua, nunku nensungidibue kudi badi nʼanyi lukuna.

2 Samuele 22:4 ပူးပေါင်းရင်းမြစ်များ

2 Kulondolola 20:22

Pavuabu batuma musambu wa kutumbisha Mvidi Mukulu, Maweja-Nangila kubueja tshimvundu munkatshi mua bena Amone, bena Mowabe, ne bena Edome, bavua bafike bua kuluisha bena Yuda. Nanku bena lukinu babu kuluishangana nkayabu.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Misambu 106:2

Udi mua kuambila bantu malu a bulobu bua Maweja-Nangila, ne kubaleja butumbi buende nnganyi?

Misambu 116:13

Nendambule Maweja-Nangila mulambu wa mvinyo, mmuele tuasakidila, bualu mmumpandishe!

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.

Misambu 116:2

Udi unteleja ne ntema. Nemmutendakene too ne ku lufu.

Misambu 116:4

Ke meme kubikila Maweja-Nangila, ngamba ne: “Maweja-Nangila, umpandishe ku lufu!”

Misambu 18:3

Maweja-Nangila udi lubuebue luanyi, muaba undi nsokomena, mpetela lupandu. Udi undama bu ngabu. Udi mukuna undi nyemena bua kupanda.

Misambu 34:6

Mutangilayi, nanku nenusanke. Kanuakufua bundu, kanuakunyenga mpala.

Misambu 48:1

Musambu wa mu mukanda wa misambu wa bena Kora.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 55:16

Balunda ba nanku badi mua kufua, bapueke ne muoyi mu kandondu. Bualu bubi mbuase nzubu munda muabu.

Misambu 56:9

Udi mumanye muvuabu bangipata, ngendakana miaba yonsu. Ela binsonji bianyi mu dibungu diebe. Kuena mubifunde bungi buabi mu mukanda webe anyi?

Misambu 66:2

Nutumbishe dina diende dia butumbi, nudisamune ne misambu.

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Rome 10:13

Ke padi Mukanda wa tshijila wamba ne: “Yonsu udi ubikila Mfumu, nebamusungidile.”

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Didimanyisha 5:12

Bavua bimba ne diyi dikole ne: “Muana wa mukoku uvuabu bashipe, udi muakanyine kupeta bumfumu, bubanji, meji ne bukole, kanemu, lumu ne butumbi!”