2 Samuele 22:14 - MUKANDA WA MYIDI MUKULU

¹⁴ Mu diulu, Maweja-Nangila kudidisha makubakuba. Mvidi Mukulu wa bukole buonsu kuela diyi diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa wakakunguisha mikungulu ya mu diulu, Mutambe Bunene wa mulu wakela dî diandi.

2 Samuele 22:14 ပူးပေါင်းရင်းမြစ်များ

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Ekesode 19:6

Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yezekiyele 10:5

Mutoyi wa mapuapua a bakerubine uvua umvuika too ne mu lupangu lua pambelu pa nzubu wa Mvidi Mukulu. Mutoyi uvua mukole mufuanangane ne diyi dia Mvidi Mukulu wa bukole buonsu, padiye wakula.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Balombodi 5:20

Mu diulu, mitotu kutuambuluisha mu mvita. Pa wayi ilonda njila wayi, ivua iluisha Sisra.

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.

1 Samuele 7:10

Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.