2 Samuele 21:3 - MUKANDA WA MYIDI MUKULU

³ Mukalenga Davide kukonka bena Ngibone ne: — Bua meme kudia nenu tshibalu, nuenu kuela bena Izrayele lupemba bua makenga onsu awa manuenzekele, nnuenzele tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Davidi wakakonka Bena Gibeona ne, Nennuenzele tshinyi? Nendengeshe nʼenu ne tshinyi bua nuenu nuvudishile buhianyi bua Yehowa disanka?

2 Samuele 21:3 ပူးပေါင်းရင်းမြစ်များ

2 Samuele 20:19

Tshimenga tshietu, ntshimenga tshia ku bimenga bidi ne ditalala ne bidi bitaba meyi a bukalenga. Kadi wewe udi musue kunyanga etshi tshimue tshia ku bimenga binene bia bena Izrayele! Udi musue kunyanga tshintu tshidi tshia Maweja-Nangila bua tshinyi?

Ekesode 32:30

Butshia dinda, Moshe kuambila bena Izrayele ne: — Nudi benza tshilema tshipite bunene. Kadi ndi mbanda kabidi kudi Maweja-Nangila ku mukuna bua kumulomba, misangu mikuabu ne udi mua kungitaba bua kunufuilaku luse, ku tshilema tshienu etshi.

Lewitiki 1:4

Ateke tshianza pa mutu pa ngombe awu, bua Maweja-Nangila anyishe mulambu, afuile muntu awu luse.

Yona 1:11

Tuenze nebe tshinyi, bua mavuala abatame, tupete dikisha! Bualu mayi atshivua ela amu kuela mavuala.

Ebrewu 9:22

Bu mudi mikenji yamba, badi bumusha mikiya ku bintu bu bionsu amu ne mashi. Badi bajimija mibi amu padi mashi amata panshi.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”