2 Samuele 21:16 - MUKANDA WA MYIDI MUKULU

¹⁶ Ishebi-Benobe, muntu wa mpolondu wa ku ndelanganyi ya Arafa, uvua musue kushipa Davide. Uvua muvuale bia mvita bipiabipia. Lusongu lua difuma diende luvua lua tshiamu tshikunze, luvua ne bujitu bua kilo isatu ne pa mutu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yishebi-benoba, wakadi wa bana ba bantu bale ba nfiondo, bujitu bua difuma diandi buakadi bua nshekele ya tshiamu tshia mitaku nkama isatu; wakadi mubueshe muele wa nvita muhia-muhia ku mukaba, wakela meji bua kushiha Davidi.

2 Samuele 21:16 ပူးပေါင်းရင်းမြစ်များ

Genese 14:5

Mu tshidimu tshia dikumi ne tshinayi, Kedorlayomere ne bakalenga bavuaye mudie nabu bulunda, kuluisha bena Refayime mu Ashetarote-Kamayime, bena Zuzime mu Ame, ne bena Emi mu mpata ya Kiriyatayime, kupitabu bakalenga bonsu abu bukole.

Genese 6:4

Tshikondu atshi bantu bale ba kafiondu bavua pa buloba. — Bavua bashale kabidi pa buloba pashishe —. Bavua bana ba badi basombele mulu bavuabu balele ne bana ba bakaji ba bantu bavuabu basela. Bantu ba kafiondu aba bavua bilobu bia kalanda musenga ku kale.

2 Samuele 21:18

Matuku mamane kupita, bena Izrayele kuluisha bena Peleshete tshiakabidi ku Ngobe, Mu mvita ayi, Sibekayi, wa mu Usha, kushipa Safe, muntu mukuabu wa ku ndelanganyi ya Arafa.

2 Samuele 21:20

Kuluanganabu kabidi ku Ngate. Muluishi mukuabu uvua muaba awu, muikale ne minu isambombu ku tshianza tshionsu, kabidi ne bana ba nkasa basambombu ku dikasa dionsu. Bionsu bivua bienza makumi abidi ne binayi. Muntu uvua kabidi wa ku ndelanganyi ya Arafa. Uvua munange mvita bikole.

2 Samuele 21:22

Nanku bena mvita aba banayi ba bena Peleshete, ndelanganyi ya Arafa, muena Ngate, kubashipabu kudi Davide ne bena mvita bende. Davide mumane kutshimuna mvita kuelaye Mvidi

2 Samuele 5:18

Bena Peleshete kufika mu tshibandabanda tshia mu Refayime.

Dibadika 13:22

Kubuelabu mu ditunga luseke lua kuinshi. Kufikabu pabuipi ne Ebrone, muaba uvuabu base kudi bena Akimane, bena Sheshayi ne bena Talmayi. Bonsu aba ndelanganyi ya Anake, muntu wa mpolondu. (Bavua base tshimenga tshia Ebrone, bidimu muanda mutekete bangabanga ne kuasa tshimenga tshia Tanise mu Ejipitu.)

Dibadika 13:28

Kadi bantu badimu mbilobu bia mvita. Bimenga biabu bidi bialabale. Bavua babikoleshe ne bimana bile. Tuasanganyimu bantu ba ku ndelanganyi ya Anake, muntu wa mpolondu.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 2:10

(Bena Emi ke bavua badianjila kuasa mu ditunga dia Are. Bavua bantu ba bukole. Bavua ba bungi, kabidi banene bale, bu ndelanganyi ya Anake.

Dielulula 2:11

Bantu bakuabu badi babikila bena Emi ne: mbena Refayime, bu mudibu babikila kabidi bena Anake. Kadi bena Mowabe badi bababikila anu ne: mbena Emi.

Dielulula 2:21

Bena Refayime bavua bantu ba bukole. Bavua ba bungi, kabidi banene bale, bu muvua ndelanganyi ya Anake. Kadi Maweja-Nangila kubabutula bonsu, pakafika bena Amone. Nanku bena Amone kukuata ditunga adi, kuasamu.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Dielulula 9:2

Nenutshimune bena Anake, bantu bale ba bukole, badi bantu bakuabu batshina, bamba ne: “Kakuena udi mua kukandamana kudi ndelanganyi ya Anake!

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

Yoshua 15:14

Kalebe wakipata meku asatu abena Anake awa mu tshimenga atshi: ke bena Sheshayi, bena Akimane ne bena Talmayi.

1 Samuele 17:7

Uvua kabidi ne musongolu wa mutshi, uvua bunene bu bua mutshi wa kukuma nawu madiba, muikale ne lusongu lua tshiamu, lua bujitu bua kilo muanda mutekete ne pa mutu. Muena mudimu wa Ngoliyate uvua wenda kumpala kuende, mumuambuila ngabu.