2 Samuele 21:12 - MUKANDA WA MYIDI MUKULU

¹² Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Davidi wakaya, wakangata mifuba ya Shaula ne ya Yonatana muanʼandi kudi Bena Yabesha-gilada, bakayiba mu misesu ya Bete-shana kuakabowa Bena Peleshete ku dituku diakashiha Bena Peleshete Shaula mu Gileboa.

2 Samuele 21:12 ပူးပေါင်းရင်းမြစ်များ

2 Samuele 1:21

Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

2 Samuele 2:4

Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 21:11

Kumanyishabu mukalenga Davide bionsu bivua mukaji awu wenza.

2 Samuele 21:13

Davide kumuka mu tshimenga tshia Yabeshe ne mifuba ya Shawule ne ya Yonatane. Pashishe, kungujabu kabidi mifuba ya bana muanda mutekete bavuabu bowa.

1 Kulondolola 10:1

Dinga dituku, bena Peleshete kubunda bena Izrayele pa mukuna wa Ngilbowa, Bena Izrayele kunyema, bakuabu kufua ba bungi.

1 Kulondolola 10:12

Bantu ba mu Yabeshe bavua ne dikima, kuya kuambula tshitalu tshia Shawule ne bia bana bende bua kupingana nabi mu Yabeshe. Kujikabu mifuba yabu muinshi mua mutshi wa kampanga-nzevu, wa mu Yabeshe. Kushalabu bajila biakudia matuku muanda mutekete.

1 Kulondolola 10:8

Butshia dinda, bena Peleshete kuya bua kuangula bintu bia bantu bafue. Kusanganabu tshitalu tshia Shawule ne bia bana bende ba balume pa mukuna wa Ngilbowa.

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

1 Samuele 28:4

Dituku dikuabu, bena Peleshete kusangisha bena mvita babu. Kuasabu mitanda yabu pabuipi ne Shuneme. Shawule kubikidisha bena mvita ba bena Izrayele. Kuasabu mitanda yabu pabuipi ne mukuna wa Ngilbowa.

1 Samuele 31:1

Bena Peleshete kuluisha bena Izrayele pa mukuna wa Ngilbowa. Kushipabu bena Izrayele ba bungi, bakuabu kunyema.

1 Samuele 31:3

Nanku, mvita kutshintshimika mukalenga Shawule. Bantu bavua ne mata ne miketa kumonabu Shawule. Ke Shawule kupampakana bikole.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.