2 Samuele 21:10 - MUKANDA WA MYIDI MUKULU

¹⁰ Rispa, mukaji mukamba uvua Shawule mushiye, kuangata tshilamba tshikayabale tshivuaye muvuale, kutshibuikila pa lubuebue. Kusombaye muaba awu, biangatshile ku ntuadijilu kua dinowa too ne ku tshikondu tshiwa mvula mutuadije kutokela bitalu bia bana abu. Mu munya, mukaji awu uvua wipata nyunyi bua kayikidi pa bitalu abi. Butuku uvua wipata nyama ya tshisuku bua kayifiki muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Lisepa, muana mukashi wa Aya, wakangata tshilulu tshikayabala, wakatshibikila ha mutu ha dibue ku tshibangidilu tshia kunowa tô ne hakabalokela nvula ya mu diulu; yeye kakitabusha bua nyunyu yikilehu mu munya, anyi bua nyama ya mu tshisuku isemene ha buihi butuku.

2 Samuele 21:10 ပူးပေါင်းရင်းမြစ်များ

Genese 40:19

Papita matuku asatu, mukalenga neabandishe mutu webe, akulembeleje ku mutshi mule. Nyunyi neyizokole munyinyi webe.

2 Samuele 21:11

Kumanyishabu mukalenga Davide bionsu bivua mukaji awu wenza.

2 Samuele 3:7

Shawule uvua ne mukaji mukuabu, dina diende Rispa, muana wa Aya. Dituku dikuabu, Ishebaale kukonka Abnere bua mukaji awu ne: — Uvua mubuelele mukaji wa tatuanyi Shawule mu nzubu bua tshinyi?

1 Bakalenga 21:27

Mukalenga Akabe umvua malu onsu avua Maweja-Nangila mumuambile mukana mua muambi, kunyingalalaye bikole. Kupandaye bilamba biende. Kuvualaye anu tshilamba tshikayabale nkayatshi pambidi. Kujilaye biakudia. Uvua anu ne tshilamba atshi tshikayabale too ne pa kulala. Uvua wenda anu bitekete.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yezekiyele 39:4

Nanku wewe, tshiluilu tshiebe tshionsu, ne bantu ba mu bisamba bivule biudi nabi, nenufuile pa mikuna ya mu Izrayele. Nentume nyunyi midianganyi ne nyama ya muitu, bua idie bitalu bienu.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Yowele 1:18

Telejayi mudi nyama itua mikemu! Bisumbu bia ngombe bidi bitambakana nseke yonsu, bualu kayena kabidi ne bisosa bia kudia. Mikoku mene idi ifua.

Yowele 2:23

Nuenu badi basomba mu Siyone, sankayi bualu bua Maweja-Nangila Mvidi Mukulu wenu, udi unulokeshila mvula mbedi unuvua nukengela, unulokeshila mvula ya bungi pa bikondu biayi, muvuaye munuenzele kale.

Zekâya 10:1

Tendelelayi Maweja-Nangila, anulokeshile mvula a mbedi. Yeye ke udi utuma mavuba a mvula. Neanulokeshile mvula wa bungi, neameneshe ntete bua muntu yonsu apete biakudia mu madimi.

Dielulula 11:14

nealokeshe mvula anu pa diba diende, bua nupete biakudia bimpe, ntete ya bungi ya kuenza bukula, maluvu a mvinyo, ne mafuta.

Dielulula 21:13

Umushe bilamba bia lukanu, avuale bikuabu, asombe ku nzubu kua muntu awu, enze madilu a tatuende ne a mamuende ngondu mujima. Pashishe mulume neamubuelele mu nzubu, bua ashale mukajende.

Dielulula 21:22

Pikala muntu muenze bualu bubi, nuenu bamufundile tshibawu tshia lufu, bashipe muntu awu, balembeleje tshitalu tshiende ku mutshi,

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

1 Samuele 17:44

Semena apa, nkushipe, tshitalu tshiebe ntshidishe nyunyi ne nyama ya mu tshisuku.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.