2 Samuele 21:1 - MUKANDA WA MYIDI MUKULU

¹ Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

2 Samuele 21:1 ပူးပေါင်းရင်းမြစ်များ

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 26:1

Tshiyole tshikuabu tshia nzala kupatuka mu ditunga, tshishilangane ne tshia kumpala tshia mu tshikondu tshia Abrahame. Izake kuya mu Ngerare kua Abimeleke, mukalenga wa bena Peleshete.

Genese 41:57

Bu muvua tshiyole atshi tshikole, tshibutula buloba bujima, bantu ba matunga onsu kufika kudi Yozefe mu Ejipitu bua kusumba biakudia.

Genese 42:5

Bana ba Yakobe kufika mu Ejipitu pamue ne bantu bakuabu, bua kusumba ntete ya kuenza bukula, bualu tshiyole tshia nzala tshivua mu ditunga dijima dia Kenaane.

Genese 43:1

Tshiyole tshia nzala kupita bukole mu Kenaane.

2 Samuele 16:8

Maweja-Nangila ke udi ukunyoka bua bena nzubu wa Shawule bonsu baudi mushipe. Udi muibe bukalenga bua Shawule. Ke padi Maweja-Nangila mukunyengabu, mubupesha muanebe Absalome. Mpindiewu, wewe udi mu dikenga, bualu udi mushipianganyi!

2 Samuele 20:26

Ira, muana wa ku ndelanganyi ya Yayire, uvua kabidi mutuangaji, wenzela mukalenga Davide mudimu.

2 Samuele 21:5

Bena Ngibone kumuambila ne: — Shawule uvua musue kutujikija bonsu, kutubutula. Kavua musue bua muntu wa kutudi nansha umue ashale mu buloba bua bena Izrayele to.

2 Samuele 24:1

Dituku dikuabu, Maweja-Nangila kufikila kabidi bena Izrayele munda. Kuenzejaye Davide bualu buvua ne bua kukebela bantu makenga, bualu Davide uvua mupete meji a kubadika bena Izrayele ne bena Yuda.

2 Samuele 5:19

Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

2 Samuele 5:23

Dayide kukonka kabidi Maweja-Nangila. Maweja-Nangila kuandamuna ne: — Kuena mua kubaluisha muaba ewu to! Kadi ubapingane pa nyima. Usemene pabuipi nabu ku mpenga kua ditu dia mitshi ya mikokuliye.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:2

Muambi Eliya kuya kumonangana ne mukalenga Akabe. Mu tshimenga tshia Samariya tshiyole tshia nzala tshivua tshipite bukole.

2 Bakalenga 6:25

Mu tshimenga atshi, muvua tshiyole tshia nzala tshikole tshitambe. Bualu bena mvita abu, bavua balama tshimenga atshi bikole. Nanku bena tshimenga kusumbishangana mutu wa nyama wa mpunde, ku nkanu mitoke ya mushinga mukole muanda mukulu, ne kilo umue wa nkunde ku nkanu mitoke ya mushinga mukole itanu.

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 9:20

Tudi tubalekela ne muoyi, bualu tudi bamane kuditshipa. Tuetu katuyi benze nanku, Mvidi Mukulu neatufikile munda. Kadi umvuayi tshitudi basue kuenza:

Rute 1:1

Matuku avua balombodi balombola ditunga dia Izrayele, tshiyole tshia nzala tshivua tshibuela mu ditunga. Ke muntu wa mu musoku wa Betleyeme, mu ditunga dia Yuda, kuangata mukajende ne bana bende ba balume babidi, bua kuanjibu kuya kusomba mu ditunga dia Mowabe.

1 Samuele 10:22

Kukonkabu kabidi Maweja-Nangila ne: — Muntu ewu mmufike muaba ewu anyi? Maweja-Nangila kuandamuna ne: — Nuye kutangila munkatshi mua mabuki, ke muaba udiye musokome.

1 Samuele 23:11

Kadi, pikala Shawule mufike bua kuluisha tshimenga, bu mundi mumvue lumu emu, bena tshimenga tshia Keyila nebanufile mu bianza bia Shawule anyi? Maweja-Nangila Mvidi Mukulu wa bena Izrayele, ndi nkusengelela ne: ungandamuneku. Maweja-Nangila kuandamuna ne: — Shawule neafike.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.