2 Samuele 20:9 - MUKANDA WA MYIDI MUKULU

⁹ Yowabe kuebeja Amasha ne: — Muanetu udi munyi? Kukuataye Amasha ku muedi ne tshianza tshia balume bua kumupukila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yoaba wakebesha Amasa ne, Muanʼetu, udi mukole, anyi? Yoaba wakakuata Amasa ku muedi ne tshianza tshiandi tshia balume bua kumutua mishiku.

2 Samuele 20:9 ပူးပေါင်းရင်းမြစ်များ

2 Samuele 15:5

Pavua muntu awu usemena pabuipi bua kudiela mpala panshi kumpala kua Absalome, Absalome uvua umujula, umupukila.

2 Samuele 17:25

Absalome uvua mumane kusungula Amasha bua kuikalaye mfumu wa bena mvita, mupingana muaba wa Yowabe. Amasha uvua muana wa Yetere, muena Izrayele. Yetere uvua musele Abigale, muana wa Nakashe, kabidi muanabu wa Seruya, mamuende wa Yowabe.

2 Samuele 18:29

Mukalenga Davide kumukonka ne: — Absalome muana udi bimpe anyi? Akimase kuandamuna ne: — Pavua Yowabe mututume, meme ne muena mudimu webe mukuabu, mvua mumvue mutoyi mukole bu bantu bunguile kaba kamue, bela mbila. Kadi tshiena mumanye tshidi tshienzeka to.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Nsumuinu 26:23

Miaku ya lubombu idi misokoke muoyi mubi, idi bu tshiamu tshitoke tshia mushinga mukole tshidi ne bikanganya, tshidibu balamika ku luesu lua diima.

Nsumuinu 27:6

Mibelu ya kudi mulunda idi ileja mudiye ukunanga ne muoyi umue. Kadi padi muena lukuna ukutua mishiku, udi ukudinga.

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.