2 Samuele 20:6 - MUKANDA WA MYIDI MUKULU

⁶ Nanku, mukalenga Davide kuambila Abishayi ne: — Mpindiewu, Sheba udi ne lonji lua kutuenzela bibi mupite Absalome. Nanku uye ne bena mvita badi bandame meme. Ulondakaje nabu muntu ewu Sheba, kayi muanji kuya kusokoma mu bimenga bidi ne bimana bikole, bua kutunyemaye.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Davidi wakambila Abishai ne, Katataka Sheba, muana wa Bikili, neatuenzele bibi bidi bihita biakatuenzela Abashaloma; wangate bantu ba mukelenge webe, umulonde, yeye kabuedi mu misoko ya ngumbu, kahanduki kutudi.

2 Samuele 20:6 ပူးပေါင်းရင်းမြစ်များ

2 Samuele 10:14

Bena Amone bamone bena Siriya banyema, kunyemabu Abishayi, kupinganabu mu tshimenga tshiabu. Ke Yowabe kutekesha mvita ivuabu baluisha bena Amone, kupinganabu mu tshimenga tshia Yerushalayime.

2 Samuele 11:11

Uriya kuandamuna ne: — Mukalenga, mushete wa tshijila wa Maweja-Nangila udi anu mu ntenta, ne bena mvita bonsu ba bena Izrayele, ne ba bena Yuda kabidi badi balala amu mu ntenta. Yowabe mfumu wa bena mvita, ne balombodi bebe bonsu ba bena mvita, mbase mitanda anu mu mpata. Kadi matuku a mushindu ewu, meme ndi mua kuya ku nzubu kuanyi bua kudia, kunua, ne kubuelela mukajanyi mu nzubu anyi? Ndi nditshipa ne: kashidi tshiena mua kuenza bualu bua mushindu ewu nansha kakese!

2 Samuele 18:12

Muena mvita awu, kuandamuna Yowabe ne: — Nansha wewe mumpeshe nkanu mitoke ya mushinga mukole tshinunu, tshiena mua kuenzela muana wa mukalenga bibi to. Tuetu bonsu tuvua bumvua mukalenga Davide ukuambila wewe, Abishayi ne kayi ne: “Ndi nnusengelela, kanuenzedi muananyi Absalome bibi to.”

2 Samuele 18:2

Kupeshaye mansebende Yowabe, muana wa Seruya, tshia bisatu tshimue tshia bena mvita. Kupeshaye Abishayi muanabu ne Yowabe tshia bisatu tshimue kabidi. Kupeshaye Itayi wa mu tshimenga tshia Ngate tshia bisatu tshikuabu. Kumanyishaye bena mvita ne: netuye nenu mu mvita.

2 Samuele 19:7

Bualu wewe udi munange bantu badi bakukina, kabidi udi ukina bantu badi bakunanga. Bionsu ebi bidi bileja ne: bamfumu ba bena mvita bebe ne bantu bonsu badi bakuitaba muabu muonsu, bakuenzela mudimu, kabena ne mushinga kuudi wewe to. Eyowa, ndi mumone ne: bu tuetu bonsu bafue, Absalome mushale ne muoyi, wewe uvua mua kusanka bikole.

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

2 Samuele 21:17

Kadi Abishayi, muana wa Seruya, kusungidila mukalenga Davide, kushipa muena Peleshete awu. Ke bena mvita kuambila mukalenga Davide ne: kuena mua kuya netu kabidi mu mvita to. Bualu wewe udi bu muendu wa bena Izrayele udi kauyi mua kujima.

2 Samuele 23:18

Abishayi, muanabu ne Yowabe, ne mansebende wa Davide, uvua mfumu wa “Tshisumbu tshia bena mvita Makumi asatu.” Dituku dikuabu, kushipaye ne musongolu baluishi nkama isatu. Kupetaye lumu lunene mu “Tshisumbu tshia bena mvita Makumi asatu.”

2 Samuele 3:30

Ke muvua Yowabe ne muanabu Abishayi bashipe Abnere, bualu Abnere uvua mushipe muanabu Ashayele mu mvita ya mu Ngibone.

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

1 Bakalenga 1:33

kubatuminaye diyi ne: — Nubikile bena mvita bonsu batshidi bangitaba. Nubandishe muananyi Shelomu pa nyama wa mpunde wa bukalenga. Nuye nende ku mpokolu wa ku Ngikone.

1 Kulondolola 11:20

Abishayi, muanabu ne Yowabe, ke uvua mfumu wa “Tshisumbu tshia bena mvita Makumi asatu.” Abishayi uvua mushipe dituku dimue bantu nkama isatu ne musongolu. Nanku Abishayi kupeta lumu lunene mu “Tshisumbu tshia bena mvita Makumi asatu” atshi.

1 Kulondolola 18:12

Abishayi, muana wa Seruya, kutshimuna bena Edome mu tshibandabanda tshia Luepu, kushipa bena mvita binunu dikumi ne muanda mukulu.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Marke 3:24

Padi badi mu bukalenga baluangana nkayabu, bukalenga ebu kabuena mua kutungunuka nansha.

1 Samuele 26:6

Davide kubikila Akimeleke, muena Iti, ne Abishayi. (Abishayi ne Yowabe bavua bana ba Seruya, yayende wa Davide). Davide kubakonka ne: — Nnganyi wa kunudi utudi mua kuya nende too ne ku mitanda ya Shawule? Abishayi kuitaba ne: — Netuye nebe.