2 Samuele 20:23 - MUKANDA WA MYIDI MUKULU

²³ Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yoaba wakadi ku mutu kua masalayi onso a Bena Isalele; Benaya, muana wa Yehoyada, wakadi ku mutu kua Bena Kelete ne Bena Pelete;

2 Samuele 20:23 ပူးပေါင်းရင်းမြစ်များ

2 Samuele 20:7

Nanku bena mvita bavua Yowabe ulombola, ne bena Kereti ne bena Peleti, bavua balama mukalenga Davide, mmumue ne: bena mvita bonsu bavua bamanye mvita bikole, kuyabu ne Abishayi mu mvita, kumukabu mu Yerushalayime, benda balondakaja Sheba.

2 Samuele 23:20

Benaya, muena Kabseyele, muana wa Yoyada, ne muikulu wa muena mvita wa bukitu, uvua muenze malu manene a bungi. Benaya uvua mushipe ba Ariyele babidi ba bena Mowabe. Dituku dikuabu tshikondu tshia mvula wa neje, Benaya kupueka mu tshiina tshia mayi bua kushipa nyama wa ntambue.

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

1 Bakalenga 1:7

Adoniya kutuadija kumyuangana ne Yowabe, muana wa Seruya, mfumu wa bena mvita. Kumvuanganaye kabidi ne mutuangaji Abiyatare. Bonsu babidi kuditua ku tshiende.

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 4:1

Shelomu uvua mukalenga wa bisamba bia bena Izrayele.

2 Bakalenga 11:4

Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.