2 Samuele 20:22 - MUKANDA WA MYIDI MUKULU

²² Mukaji kuya kudi bana babu, kubabela bimpe. Nanku kukosabu mutu wa Sheba, kuwimanshilabu Yowabe. Yowabe kuelesha mpungi. Diakamue bena mvita bonsu kumukabu. Kupinganabu kuabu. Yowabe kupingana kudi mukalenga Davide mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

²² Hashishe mukashi wakaha kudi bantu bonso ne lungenyi luandi. Bakakosa Sheba, muana wa Bikili, mutu, bakawela kudi Yoaba. Yeye wakela mpungi, bantu bonso bakumuka ku musoko, bakaya muntu ne muntu ku ntenta wandi. Yoaba wakahingana kudi mukelenge mu Yelushalema.

2 Samuele 20:22 ပူးပေါင်းရင်းမြစ်များ

2 Samuele 18:16

Ke Yowabe kuelesha mpungi bua bantu balekele mvita. Bena mvita ba Davide kulekela kulondakaja bena mvita ba Absalome.

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

2 Samuele 2:28

Yowabe kuelesha mpungi. Bena mvita bende kulekela kulondakaja bena Izrayele. Nanku mvita kujika.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 20:16

Mukaji mutalame uvua mu tshimenga amu, kuelaye lubila ne: — Telejayi, telejayi! Ambilayi Yowabe asemene muaba ewu. Ndi ne bualu bua kumuambila.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.