2 Samuele 20:19 - MUKANDA WA MYIDI MUKULU

¹⁹ Tshimenga tshietu, ntshimenga tshia ku bimenga bidi ne ditalala ne bidi bitaba meyi a bukalenga. Kadi wewe udi musue kunyanga etshi tshimue tshia ku bimenga binene bia bena Izrayele! Udi musue kunyanga tshintu tshidi tshia Maweja-Nangila bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Meme ndi wa munkatshi mua badi bakeba ditalala ne badi ne kanemu mu Isalele; wewe udi ukeba kushiha musoko ne muledi wa bana wa mu Isalele; wewe udi musue kumina buhianyi bua Yehowa bua tshinyi?

2 Samuele 20:19 ပူးပေါင်းရင်းမြစ်များ

Genese 18:23

Abrahame kusemena kudiye, umukonka ne: — Maweja-Nangila, neubutule muntu muakane pamue ne muena tshibawu anyi?

2 Samuele 14:16

Udi mua kunsungidila mu bianza bia muntu udi ukeba mua kunshipa, kushipa kabidi ne muananyi, kutumusha munkatshi mua tshisamba tshia bantu badi Mvidi Mukulu musungule.”

2 Samuele 17:16

Ke Ushayi kubambila kabidi ne: — Nanku mpindiewu, tumayi diyi lukasa kudi Davide. Numuambile bua kaladi butuku mu mpata udi ku Yardene to. Asabuke musulu lukasa, bua kabamushipi ne bantu bonsu badiye nabu.

2 Samuele 20:18

Mukaji kumuambila ne: — Bakulumpe bambila ne: “Kebeji wakapambuka. Mbimpe konka lungenyi ku Abele-Bete-Maka. Nanku bualu nebujike!”

2 Samuele 20:20

Yowabe kuandamuna ne: — Kabiena mua kuenzeka to! Meme tshiena ne dijinga dia kunyanga bintu, nansha kunyanga tshimenga to.

2 Samuele 21:3

Mukalenga Davide kukonka bena Ngibone ne: — Bua meme kudia nenu tshibalu, nuenu kuela bena Izrayele lupemba bua makenga onsu awa manuenzekele, nnuenzele tshinyi?

1 Bakalenga 8:53

Bualu wewe ke uvua mutusungule munkatshi mua bisamba bionsu, bua tuikale bantu bebe, bu muuvua mumane kuambila Moshe, muntu webe, tshikondu tshiuvua mupatule bankambua betu mu bupika mu Ejipitu.”

Misambu 106:5

Nanku netumone diakalenga dia bantu baudi musungule, netumvue disanka didi nadi bantu bebe, netutue ntunku pamue ne bantu ba mu bumpianyi buebe.

Misambu 124:3

pavuabu batufikila munda, bavua mua kutumina ne muoyi.

Misambu 33:12

Bantu badi Maweja-Nangila muikale Mvidi Mukulu wabu, bantu badiye mudisunguile mbena diakalenga!

Misambu 78:71

uvua mumuangate pavuaye ulonda mikoku mu nyima, bua kuikala mulami wa bena Izrayele, bantu bende bavuaye mupite kunanga.

Yirmeya 51:34

“Nebukadnesare, mukalenga wa Babilone, mmundie, mmunsunsule, mmushiye bu dilongu didi munda mutupu. Mmumine bu mudi nyama wa tshidika wenza. Udi muwuje difu tente ne bintu bilenga bionsu bimvua nabi. Pashishe yeye kungimansha.

Yirmeya 51:44

Maweja-Nangila udi wamba ne: “Nennyoke Baale, mvidie wa bena Babilone. Nemmulukishe bintu bionsu bivuaye mumine. Bisamba bia bantu kabiena bifika kabidi kudiye bua kumulambula. Bimana bia tshimenga tshia Babilone nebiupuke panshi.

Muadi 2:16

Bonsu badi bakukina, badi babulula mukana bua kukukeba matandu. Badi bakuela bibingu, badia dinu, bamba ne: “Tudi bamumine. Dituku dituvua bindile, ndiodi edi! Tudi bafikemu, tudi badimone!”

Muadi 2:2

Maweja-Nangila kubutula buloba bua bantu bende, kayi luse. Bua tshiji tshiende, kushimbulaye bimenga bia Yuda, bivuabu bakoleshe ne bimana. Kunyangaye bukalenga, kufuishaye balombodi babu bundu.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Dibadika 16:32

Buloba kubajibikila bonsu ne bena meku abu, ne bantu bonsu bavua nabu Kora, ne bintu biabu.

Dibadika 26:10

Dituku adi, buloba kupandika, kubajibikila pamue ne Kora. Dituku adi bena Kora bonsu kubutuka. Kapia kuosha bantu bakuabu nkama ibidi ne makumi atanu. Bualu abu kushala tshivulukilu kudi bena Izrayele.

1 Korente 15:54

Pikala tshidi tshibola tshimana kuandamuka tshienza tshidi tshishala kashidi, pikala tshidi tshifua tshimana kuandamuka tshienza tshidi katshiyi mua kufua, muaku ewu wa mu Mukanda wa tshijila udi ukumbana ne: “Mbabutule lufu, mbalutshimune kashidi!”

2 Korente 5:4

Eyowa, patutshidi tusomba mu nzubu wetu wa panu ewu, tudi tutua mikemu bu bambule bujitu. Katuena basue kushiya mubidi wetu wa panu. Kadi tudi basue batubuikile ne mubidi wetu wa mu diulu, bua bidi ne bua kufua biandamuke bienze bia muoyi.

Dielulula 20:10

Bua kuluisha tshimenga kampande, nudianjile kulomba bena tshimenga atshi bua kubuelamu tshianana, kakuyi mvita to.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

1 Timote 2:2

Nudi ne bua kutendelela Mvidi Mukulu bua bakalenga ba matunga ne bua bamfumu bonsu, bua tumone mua kusomba talalaa mu bupole, kunemeka Mvidi Mukulu tshishiki, kuenza amu malu mimpe.

Balombodi 5:7

Kakuvua bantu bavua ne bumfumu to. Kakuvua balombodi mu ditunga dia bena Izrayele, too ne pangakamueneka meme Debora, meme mamu wa bena Izrayele.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”