2 Samuele 20:15 - MUKANDA WA MYIDI MUKULU

¹⁵ Yowabe ne bena mvita bende kutshintshimikila Sheba uvua mu tshimenga atshi tshia Abele-Bete-Maka. Kuimanyikabu mushiki wa buloba, bule bumue ne tshimana tshia kumpala tshia tshimenga. Pashishe kumbulabu kabidi kuinshi kua bimana abi bua kubishimbula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakamutshintshimikila mu Abele wa Bete-mâka; bakunguisha mushiki wa mabue ku buludiludi ne lumbu; bantu bonso bakadi ne Yoaba bakumbula kuinshi kua lumbu, bua kulushimbula.

2 Samuele 20:15 ပူးပေါင်းရင်းမြစ်များ

2 Samuele 20:14

Yowabe kupitshila mu bisamba bionsu bia bena Izrayele. Kufikaye mu tshimenga tshia Abele-Bete-Maka. Bena Beri bonsu kudisangisha kudi Yowabe.

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 19:32

Kadi mpindiewu, bua mukalenga wa bena Ashure, Maweja-Nangila udi wamba ne: “Kakubuela mu tshimenga etshi to. Kena mua kuasa tshimenga etshi miketa to. Ngabu kayena mua kumuambuluisha bua kuluisha tshimenga etshi to.

Muambi 9:14

Kuvua tshimenga tshikese. Bantu bakese bavua basemu. Mukalenga munene kufika bua kutshiluisha. Uvua mutshijingile ne tshikulu tshiende bua kutshiluisha. Bena mvita bende bavua base biamu binene mua kushimbula nabi bimana bia tshimenga.

Yeshaya 37:33

Kadi mpindiewu, telejayi: bua mukalenga wa bena Ashure, Maweja-Nangila udi wamba ne: — Kakubuela mu tshimenga etshi to. Kena mua kuasa muntu wa mu tshimenga etshi mukete to. Ngabu yende kayena mua kumuambuluisha bua kuluishaye tshimenga etshi. Kena mua kusemena pabuipi natshi to. Kena mua kuela dibula dia kuluangana mvita momu to.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 6:6

Maweja-Nangila Mvidi Mukulu wa bukole buonsu, kutumina baluishi betu diyi, wamba ne: “Tapayi mitshi. Imanyikayi mushiki wa buloba bua kuluisha Yerushalayime.” Mbimpe kunyoka tshimenga etshi, bualu benatshi badi bakengeshangana bikole.

Yezekiyele 4:2

Pashishe, uleje mudibu batshiluisha. Wimbe mukidi, wele mushiki wa buloba, wele mualu wa mvita, unyungulule tshimenga ne matempu a mvita.

Luke 19:43

Matuku neafike adi bena lukuna bebe bakuela munkatshi ne biamu binene bia mvita, bakuluisha, bakufimpakaja nseke yonsu.