2 Samuele 20:13 - MUKANDA WA MYIDI MUKULU

¹³ Kutshibuikilaye tshinkutu. Yeye mumane kumusha tshitalu, bena mvita bavua anu bapita buludi, balonda Yowabe bua kulondakaja Sheba.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakamûmusheye mu nshila, bantu bonso bakaya ne Yoaba bua kulondabo Sheba, muana wa Bikili.

2 Samuele 20:13 ပူးပေါင်းရင်းမြစ်များ

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 20:11

Muena mvita mukuabu wa Yowabe kushala muaba uvua tshitalu tshia Amasha, wela mbila ne: “Nuenu bonsu, balunda ba Yowabe ne bantu badi ku luseke lua Davide, nulonde Yowabe!”

2 Samuele 20:14

Yowabe kupitshila mu bisamba bionsu bia bena Izrayele. Kufikaye mu tshimenga tshia Abele-Bete-Maka. Bena Beri bonsu kudisangisha kudi Yowabe.

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.

Yeshaya 36:2

Nenku patshivua mukalenga wa bena Ashure mu Lakishe, uvua mutume mulombodi kampanda wa bena m vita bende, uvua nende miaba yonsu, mu tshimenga tshia Yerushalayime, kudi mukalenga Izkiya. Muambuluishi wa mukalenga awu uvua ne tshisumbu tshinene tshia bena mvita. Kuimanaye pabuipi ne mukidi wamayi avua apueka ku tshiina tshia m ayi tshivua ku mutu pa mukuna, mu njila wa ku budimi bua Basukudi ba bilamba.

Yeshaya 62:10

Bena Yerushalayime, patukayi, patukayi lukasa mu tshimenga. Longoluelayi bantu badi bapingana muabu njila. Jibikilayi biina bidi panshi mu misesu. Umbushayi mabue adimu. Bandishayi dibendele, bua bantu bamanye

Yeshaya 7:3

Maweja-Nangila kuambila Yeshaya ne: — Angate muanebe Sheyare-Yashube, uye kumonangana ne Akaze. Udi ku ndekelu kua mukidi wa mayi adi afuma ku tshiina tshia ku mutu. Nulonde amu njila wa ku budimi bua Basukudi ba bilamba.

Yirmeya 31:21

Mu njila, wasa mitshi idi mua kukuvuluija njila, uudi ne bua kulonda. Nanku, Izrayele musuibue, neumone mua kupingana mu bimenga biebe.

Dibadika 20:19

Bena Izrayele kunanukila bikole, bamba ne: — Nutulekele, tupite ne njila! Tuetu ne bimuna bietu, patuikala ne dikenga ne mayi a kunua, netuasumbe. Tudi tukulomba amu ne: wanyishe bua tupitshile mu ditunga diebe.

Marke 10:46

Kufikabu ku Yeriko. Pavua Yezu upatuka mu tshimenga etshi ne balongi bende pamue ne bantu basule, mpofu mukuabu diende Bartimeye, muana wa Timeye, uvua musombe ku njila, ulomba tshia pa luse.

Balombodi 21:19

Bena Izrayele kuvuluka ne: tshibilu tshia Maweja-Nangila tshia ku tshidimu tshionsu ku Silo, tshidi pabuipi. Silo ntshimenga tshivua ku mutu kua Betele, kuinshi kua Lebona, luseke ludi diba dipatukila lua njila udi mumuke ku Betele muye ku Shekeme.

1 Samuele 6:12

Ngombe kuya buludi, ilonda njila wa ku Bete-Shemeshe, yenda idila, kayiyi yepuka ku dia balume nansha ku dia bakaji. Bamfumu ba bena Peleshete bavua benda balonda ditempu panyima too ne ku mukalu wa Bete-Shemeshe.