2 Samuele 20:10 - MUKANDA WA MYIDI MUKULU

¹⁰ Amasha kavua mudimuke bua muela uvua Yowabe muangule, mukuate ku tshianza tshia bakaji. Yowabe kutua Amasha muela mu difu. Mala a Amasha kupatuka, kupongoloka panshi, kufuaye. Yowabe kavua ne bua kumutua muela tshiakabidi to. Pashishe, Yowabe ne muanabu Abishayi kutungunuka, kulondakaja Sheba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi Amasa kakadimuka bua muele wakadi mu tshianza tshia Yoaba; yeye wakamutua muele mu mbale, ne mala andi akahatuka hanshi; yeye kakamutua tshiakabidi, wakafua. Yoaba ne muanʼabo Abishai bakalonda Sheba, muana wa Bikili.

2 Samuele 20:10 ပူးပေါင်းရင်းမြစ်များ

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

2 Samuele 2:23

Kadi Ashayele kavua mulonde muntu mukuabu to, uvua ulonda anu Abnere. Ke Abnere kutua Ashayele lusongu lua difuma mu difu, kupatukalu pa nyima. Ashayele kudishinda, kufuila muaba awu. Pavua bena mvita bonsu bafike muaba uvua tshitalu tshia Ashayele, bavua anu bimana.

2 Samuele 20:9

Yowabe kuebeja Amasha ne: — Muanetu udi munyi? Kukuataye Amasha ku muedi ne tshianza tshia balume bua kumupukila.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

1 Kulondolola 12:2

Bavua ne mata a mikete ne bintu bia kuela nabi mabue. Bavua bamanye mua kuela mabue, nansha kuela mikete nansha ne tshianza tshia balume nansha ne tshianza tshia bakaji mene. Mena a bantu bavua badisanga nende ba mu tshisamba tshia Binyamine, tshisamba menemene tshia Shawule, adi nenku:

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Dibadika 35:20

Pikala mushipianganyi musakile muntu ne muoyi wa lukinu, mumuase tshintu ne muoyi mubi,

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.

Balombodi 3:21

Ekude kupatula ne tshianza tshia luboku muele uvuaye muase ku mikaba ku tshibelu tshia lua balume. Kutuaye mukalenga Eglone muele awu mu difu.

1 Samuele 26:8

Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.