2 Samuele 2:9 - MUKANDA WA MYIDI MUKULU

⁹ Muaba awu, Abnere uvua mujadike Ishebaale mu bukalenga, bua ikale mukalenga wa buloba bua Ngilaade, bua Ashere, bua Yizreyele, bua Efrayime ne bua Binyamine, nanku bua maloba onsu a bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁹ wakamuteka mukelenge ku mutu kua Bena Gilada ne Bena Ashehû ne Bena Yizelele ne Bena Efelayima ne Bena Benyamina ne ku mutu kua Bena Isalele bonso.

2 Samuele 2:9 ပူးပေါင်းရင်းမြစ်များ

Genese 30:13

Leya kuamba ne: — Ndi muena diakalenga, bualu bakaji nanyi nebambikile ne: mmuena diakalenga. Kuinyikaye muana awu dina ne: Ashere.

2 Samuele 2:10

Tshikondu atshi, Ishebaale uvua ne bidimu makumi anayi. Kushalaye mu bukalenga bidimu bibidi. Anu bena Yuda nkayabu ke bavua banyishe bukalenga bua Davide.

2 Samuele 3:6

Patshivua bena mvita ba Davide ne ba Shawule baluangana, Abnere uvua bukole bua bena mvita ba Shawule.

1 Kulondolola 12:29

Kuvua kabidi nsongalume mukuabu, diende Sadoke, muena mvita wa bukitu, ne bamfumu 22 ba mu tshiota tshiabu.

1 Kulondolola 12:30

Bena tshisamba tshia Binyamine, tshisamba mene tshia Shawule, bavua ne bantu 3.000. Ba bungi ba kudibu bavua benzela diku dia Shawule mudimu too ne ku diba adi.

Misambu 108:8

Mvidi Mukulu uvua muakule mu nzubu wende wa tshijila wamba ne: “Nentshimune, nengabanye tshimenga tshia Shekeme, nempande tshibandabanda tshia Sukote mu bitupa.

Yoshua 16:5

Bena tshisamba tshia Efrayime bavua bapeta buloba bilondeshile meku abu. Mukalu wa buloba abu uvua utuadija ku Atrote-Adare kuinshi mu ditunga luseke ludi diba dipatukila, uya too ne ku Bete-Orone wa ku mutu.

Yoshua 16:8

Ku luseke ludi diba dibuelela lua Mikmetate, mukalu uvua umuka ku Tapuwa, ufika ne ku musulu wa Kana, ufika ku Mayi manene a pankatshi pa matunga. Ke muvua buloba buvuabu babanyina bena Efrayime bilondeshile meku abu.

Yoshua 16:9

Ku buloba bua bena Efrayime abu, bavua basakidilaku kabidi bimenga, ne misoku ivua nabi mutumba, bia mu buloba bua bena Menashe.

Yoshua 17:1

Ndelanganyi ya Menashe, muanabute wa Yozefe, kupetayi wayi muaba. Bakavua bamane kupesha ndelanganyi ya Makire, muanabute wa Menashe, tshilobu tshia mvita, muikale kabidi tatuende wa Ngilaade, tshitupa tshia buloba: ke ditunga dia Ngilaade ne dia Bashane, luseke ludi diba dipatukila lua Yardene.

Yoshua 18:11

Buloba bua kumpala buvua Yoshuwa mutshinke, uvua mubupeshe tshisamba tshia bena Binyamine, bilondeshile meku abu. Buloba ebu buvua pankatshi pa buloba bua bena Yuda ne buloba bua ndelanganyi ya Yozefe.

Yoshua 18:20

Musulu wa Yardene uvua wenza mukalu wa ku luseke ludi diba dipatukila. Ke mushindu uvua mikalu ya buloba buvua Yoshuwa muabanyine tshisamba tshia bena Binyamine, bilondeshile mudi meku abu.

Yoshua 19:18

Mu buloba abu muvua bimenga ebi: Yizreyele, Keshulote, Shuneme,

Yoshua 22:9

Ke ndelanganyi ya Rubene, ya Ngade, ne ya mu tshitupa tshia tshisamba tshia bena Menashe tshivua luseke ludi diba dipatukila lua Yardene, kupingana kuabu. Kushiyabu bena Izrayele bakuabu mu Silo, mu ditunga dia Kenaane. Kupinganabu mu ditunga dia Ngilaade, divuabu bababanyine, bu muvua Maweja-Nangila mumane kuambila Moshe.

Balombodi 1:32

Ke pavua bena Ashere ne bua kuasa munkatshi mua bena Kenaane ba mu ditunga.

1 Samuele 29:1

Bena Peleshete kusangisha bena mvita babu bonsu ku Afeke. Bena Izrayele bavua basa mitanda yabu ku mpokolu wa mayi pabuipi ne tshimenga tshia Yizreyele.