2 Samuele 2:5 - MUKANDA WA MYIDI MUKULU

⁵ kutumaye bantu bua bambila bena mu Yabeshe ne: “Maweja-Nangila anuele lupemba, bualu nudi bajike mfumuenu Shawule, baleje munuvua bamunange.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Davidi wakatuma miloho yandi kudi Bena Yabesha-gilada, yakabambila ne, Nuenu nusankishibue kudi Yehowa, bualu bua nuenu nuakalesha mukelenge wenu Shaula malu a kalolo, nuakamujika.

2 Samuele 2:5 ပူးပေါင်းရင်းမြစ်များ

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

2 Samuele 15:20

Wewe udi mufike kundi anu matuku makese aa. Lelu tukadi mua kuya nebe, meme tshiyi mumanye muaba undi nya anyi? Nansha kakese, pingana mu tshimenga. Uye ne bena kuenu. Maweja-Nangila akuambuluishe, akuenzele bimpe.

2 Samuele 21:12

Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

Misambu 115:15

Maweja-Nangila anuele lupemba, bualu yeye ke udi mufuke diulu ne buloba!

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Balombodi 21:8

Bena Izrayele kuebejangana bua kumanya bantu ba munkatshi mua bisamba bia bena Izrayele, bavua kabayi bafike ku Mispa bua kudileja kumpala kua Maweja-Nangila. Kusanganabu ne: kakuvua muntu nansha umue wa mu tshimenga tshia Yabeshe mu Ngilaade. uvua mufike mu mitanda, muaba uvua tshisangilu atshi.

Rute 1:8

Nowemi kuambila bakaji ba bana bende ne: — Pinganayi mpindiewu, yonsu aye kudi mamuende. Maweja-Nangila anuvuluke, bu munuvua bamvuluke meme ne babayenu bafuile.

Rute 2:20

Nowemi umvua nanku, kuambila Rute ne: — Maweja-Nangila mukumbaji wa malaya ende amusankishe. Mmuwluke bonsu bafuile, ne batshidi ne muoyi. Bowaze mbayebe tshina menemene, udi ne bua kutuambuluisha bilondeshile mikenji.

Rute 3:10

Bowaze umvua nanku, kuambilaye Rute ne: — Maweja-Nangila akuele lupemba, bualu waleji dilamata diebe dipite ne pa diuvua muenze kumpala kua mamuenebe. Bualu kuena muye kudi bansongalume babanji, nansha bapele, bua bakupiane.

1 Samuele 11:1

Nakashe, mukalenga wa bena Amone, kuluisha tshimenga tshia Yabeshe tshivua mu Ngilaade. Bena Yabeshe kuambila Nakashe ne: — Utue netu ndondu. Tudi basue kushala bantu bebe.

1 Samuele 11:9

Kadi bantu bavua bafuma ku Yabeshe, kubapingajabu ku tshimenga atshi bua kuambila bana babu ne: “Malaba munda munya, netunusungidile.” Bantu bavuabu batume, kuyabu kuambila bena mu Yabeshe lumu alu. Nanku bena Yabeshe kusanka bikole.

1 Samuele 15:13

Samuwele ufika pabuipi ne Shawule. Shawule kumuambila ne: — Maweja-Nangila akuele lupemba! Ndi mukumbaje bionsu bivua Maweja-Nangila mungambile.

1 Samuele 23:21

Shawule kubambila ne: — Maweja-Nangila anuele lupemba, bua luse lunudi bamfuile.

1 Samuele 24:19

Lelu, wandeji ne: kuena nanyi ne bualu. Maweja-Nangila uvua mmufile mu bianza biebe, kadi kuena munshipe to.