2 Samuele 2:4 - MUKANDA WA MYIDI MUKULU

⁴ Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bena Yuda bakadisangishaku, bakela Davidi manyi ha mutu bua kumuteka mukelenge wa Bena Yuda. Bakambila Davidi ne, Bena Yabesha-gilada bakajika Shaula.

2 Samuele 2:4 ပူးပေါင်းရင်းမြစ်များ

2 Samuele 19:11

Absalome ke utuvua badisunguile nkayetu bua kuikalaye mukalenga. Mpindiewu mmumane kufua mu mvita. Kadi bua kulomba mukalenga Davide, apingane mu Yerushalayime, tshitudi bindile ntshinyi?”

2 Samuele 19:42

Bena ku mutu, mu ditunga kusemena kudi mukalenga Davide, kumukonka ne: — Wewe udi ne bena mvita bebe bonsu, kadi amu bana betu bena Yuda nkayabu mbakusabule wewe ne bena nzubu webe bua tshinyi?

2 Samuele 2:11

Davide kushala mukalenga wa bena Yuda mu Ebrone, bidimu muanda mutekete ne tshitupa.

2 Samuele 2:7

Mpindiewu, nuikale ne dikima, nudileje bantu ba bukitu. Mfumuenu Shawule mmumane kufua. Meme Davide ke udi bena Yuda bajidile bua nshale mukalenga wenu.”

2 Samuele 21:11

Kumanyishabu mukalenga Davide bionsu bivua mukaji awu wenza.

2 Samuele 21:12

Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

2 Samuele 5:17

Bena Peleshete kupeta lumu ne: mbamane kujidila Davide bua kuikalaye mukalenga wa bena Izrayele bonsu. Nanku kuyabu bonsu kuluisha Davide bua kumukuata. Davide upeta lumu alu, kuyaye muaba uvuabu bibaka ne bimana bikole.

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

2 Samuele 5:5

Mu Ebrone, uvua mushale mukalenga wa bena Yuda bidimu muanda mutekete ne tshitupa. Mu Yerushalayime, uvua mushale mukalenga wa bena Izrayele bonsu ne wa bena Yuda, bidimu makumi asatu ne bisatu.

2 Bakalenga 11:12

Ke, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu! Pashishe, kuelabu Yowashe mafuta pa mutu bua kumujidila. Diakamue, bantu bonsu kumukumina bikashi, bela mbila, bamba ne: “Mukalenga Yowashe, akuate ku mundundu!”

1 Kulondolola 10:11

Bena mu tshimenga tshia Yabeshe mu Ngilaade, kupetabu lumu lua bionsu bivua bena Peleshete benzela Shawule.

1 Kulondolola 11:3

Bakulu bonsu ba bena Izrayele kuya kudi mukalenga Davide mu tshimenga tshia Ebrone. Davide kutua nabu ndondu kumpala kua Maweja-Nangila. Bobu kumujidila bua ashale mukalenga wa bena Izrayele, bua kukumbaja diyi dia Maweja-Nangila divua Samuwele muambe.

1 Kulondolola 12:23

Nanku, ku dituku dionsu, bena mvita bavua badisangisha ne Davide bua kuluangana mvita. Ke muvua bena mvita ba Davide benda bavu-langana amu kuelangana.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.