2 Samuele 2:26 - MUKANDA WA MYIDI MUKULU

²⁶ Abnere kukonka Yowabe ne: — Netuikale anu tushipangana katuyi tulekela anyi? Umanye ne: ku nshikidilu, bualu ebu nebutushile kanyinganyinga. Tudi bena muntu. Udi muindile tshinyi bua wewe kutuma diyi bua bena muntu balekele kuluishangana?

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hashishe Abinê wakebesha Yoaba ne, Muele wa nvita neushihe bantu tshiendelele, anyi? Kuena mumanye ne kunfudilu kua bualu ebu nekuikale anu ne kanyinganyinga? Nunku wewe neubidie kukanda bantu bua kulondabo bana babo musangu bule munyi?

2 Samuele 2:26 ပူးပေါင်းရင်းမြစ်များ

2 Samuele 11:25

Mukalenga Davide kuambila muntu awu ne: — Pingana ku mvita, ukoleshe Yowabe ku muoyi, umuambile ne: “Bualu ebu kabukutondi to. Bualu mu mvita bantu badi anu bafua nseke yonsu ibidi. Nanku uluishe tshimenga atshi bikole, ntshibutule.”

2 Samuele 2:14

Abnere kuambila Yowabe ne: — Ndi musue bua bansongalume bena mvita batudi nabu, baluangane babidi babidi, kumpala kuetu, bua tumanye udi mupite mukuabu ku bukole. Yowabe kuandamuna ne: — Eyowa, ndi musue.

2 Samuele 2:16

Muena mvita yonsu kuela muluishi wende kankose ku nshingu, kumutua muela mu lubadi, kudishindabu pamue bonsu, kufua. Badi babikila muaba wa mu Ngibone awu ne “Budimi bua Mbuebue.”

2 Samuele 2:25

Bena mvita ba bena Binyamine, kudisangisha pabuipi ne Abnere. Kuimanabu mu milongu pa mutu pa kakuna.

2 Samuele 2:27

Yowabe kuandamuna ne: — Bu mudi Maweja-Nangila ne muoyi, ndi nkujadikala ne: bu wewe kuyi mulombe bua bantu balekele kuluishangana, butuku ebu bujima bantu banyi bavua anu ne bua kunulondakaja.

Yobe 18:2

Kadi neupuwe diba kaayi? Anji kuteleja, nanku netuyukidilangane nebe bimpe.

Yobe 19:2

Nenunkengeshe ne miaku yenu. Nenuntatshishe ne mayuki enu too ne ku diba kaayi?

Misambu 4:2

Mvidi Mukulu, mumbingishi wanyi, pandi nkubikila bua kungambuluisha, ungitabe. Pavua bantu bankengesha, wewe uvua unsungidila. Anyisha, uteleje dikulomba dianyi.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Yirmeya 12:12

Pa mikuna idi kayiyi ne mitshi, mu tshipela, bena mvita bavua bamueneka, bafika bua kupawula bintu bidi bantu banyi nabi. Meme Maweja-Nangila ndi ntuma bena mvita aba bua babutule ditunga dijima. Muntu nansha umue kakusomba talalaa.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 4:21

Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yirmeya 46:14

Manyisha bena Ejipitu, benamu Migdole, bena mu Memfise, ne bena mu Tapanese ne: “Elayi mualu wa mvita! Angatayi bia mvita mu bianza!” Bualu mvita ikadi yenda ibutula bena mutumba nenu!

Osheya 11:6

Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Bienzedi 7:26

Butshia, Moshe kusangana bena Izrayele babidi baluangana. Kukebaye mua kubasunga, ubabela ne: “Bana betu, nudi bena muntu. Nudi nukengeshangana bua tshinyi?”