2 Samuele 2:23 - MUKANDA WA MYIDI MUKULU

²³ Kadi Ashayele kavua mulonde muntu mukuabu to, uvua ulonda anu Abnere. Ke Abnere kutua Ashayele lusongu lua difuma mu difu, kupatukalu pa nyima. Ashayele kudishinda, kufuila muaba awu. Pavua bena mvita bonsu bafike muaba uvua tshitalu tshia Ashayele, bavua anu bimana.

Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi yeye wakahidia kusesuka; hashishe Abinê wakamutua muinshi mua mbale ne mutondo wa difuma, wakamusompoka kabidi; nunku yeye wakadishinda hanshi, wakafua ha muaba au; hakalua bantu ha muaba wakadishindila Asahele mufue, bakimanaku.

2 Samuele 2:23 ပူးပေါင်းရင်းမြစ်များ

2 Samuele 2:24

Kadi Yowabe ne Abishayi, kulondakaja Abnere. Diba divua dibuela, pafikibu ku Ngibeya-Ama, luseke ludi diba dipatukila lua ku Ngiya, mu njila wa mu tshipela tshia Ngibone.

2 Samuele 20:10

Amasha kavua mudimuke bua muela uvua Yowabe muangule, mukuate ku tshianza tshia bakaji. Yowabe kutua Amasha muela mu difu. Mala a Amasha kupatuka, kupongoloka panshi, kufuaye. Yowabe kavua ne bua kumutua muela tshiakabidi to. Pashishe, Yowabe ne muanabu Abishayi kutungunuka, kulondakaja Sheba.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

2 Samuele 3:30

Ke muvua Yowabe ne muanabu Abishayi bashipe Abnere, bualu Abnere uvua mushipe muanabu Ashayele mu mvita ya mu Ngibone.

2 Samuele 4:6

Kubuelabu mu nzubu, bu badi bamutuadila ntete ya kuenza bukula. Kusanganabu Ishebaale mu nzubu wende wa bulalu, mulale. Kumutuabu muela mu difu. Baana ne muanabu Rekabe, bamane kushipa Ishebaale kumukosa mutu kunyema nawu.

2 Samuele 5:6

Mukalenga Davide ne bantu bavuaye nabu, kuya kuluisha bena mu tshimenga tshia Yerushalayime. Ke bena Yebusa bavua base mu tshimenga atshi, kuambila Davide ne: — Kuakubuela mu tshimenga tshietu to. Bualu nansha bampofu ne bantu badi batebuke badi anu mua kupeta bukole bukumbane bua kukuipata. Bavua bafuna mushindu ewu bua kujadika ne: Davide kena mua kukuata tshimenga to.