2 Samuele 2:22 - MUKANDA WA MYIDI MUKULU

²² Abnere kumuambila kabidi ne: — Ashayele, lekela kundonda! Udi musue bua meme kukushipa bua tshinyi? Diba adi, nentshine muanenu Yowabe, tshiyi mua kumutangila kabidi mu mpala to.

Mukanda wa Nzambi Dihungila Dikulukulu ne Dihungila Dihia-dihia 2003

²² Abinê wakambila Asahele tshiakabidi ne, Usesuke, lekela kundonda; bundi nʼabu mbua kukushiha, anyi? Bingenza nunku, ndi mua kumonangana ne mukuluʼebe Yoaba mpala ne mpala bishi?

2 Samuele 2:22 ပူးပေါင်းရင်းမြစ်များ

2 Samuele 2:21

Abnere kumuambila ne: — Londa muntu mukuabu ku dia balume, nansha ku dia bakaji. Kolesha ukuate nsongalume wa ku bena mvita, umunyenga bia mvita bidiye nabi. Kadi Ashayele kavua musue to. Uvua anu ulondakaja Abnere.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Muambi 6:10

Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

1 Samuele 19:17

Shawule kukonka Mikale ne: — Udi munshime nenku bua tshinyi? Udi mulekele muluishi wanyi unyema bua tshinyi? Mikale kuandamuna ne: — Bualu Davide uvua mungambile ne: “Undekele, nnyeme! Tshianana ndi nkushipa!”