2 Samuele 2:14 - MUKANDA WA MYIDI MUKULU

¹⁴ Abnere kuambila Yowabe ne: — Ndi musue bua bansongalume bena mvita batudi nabu, baluangane babidi babidi, kumpala kuetu, bua tumanye udi mupite mukuabu ku bukole. Yowabe kuandamuna ne: — Eyowa, ndi musue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Abinê wakambila Yoaba ne, Bansongalume babike, banaye ku mpala kuetu. Yoaba wakamba ne, Babike.

2 Samuele 2:14 ပူးပေါင်းရင်းမြစ်များ

2 Samuele 2:15

Bena mvita kusemena. Kusungulabu bena mvita ba mukalenga Ishebaale dikumi ne babidi ba mu tshisamba tshia Binyamine, ne bena mvita ba mukalenga Davide dikumi ne babidi.

2 Samuele 2:16

Muena mvita yonsu kuela muluishi wende kankose ku nshingu, kumutua muela mu lubadi, kudishindabu pamue bonsu, kufua. Badi babikila muaba wa mu Ngibone awu ne “Budimi bua Mbuebue.”

2 Samuele 2:17

Dituku adi, kuluanganabu mvita mikole. Bena mvita ba mukalenga Davide kutshimuna Abnere ne bende bavuaye nabu.

2 Bakalenga 14:8

Pashishe, Amashiya kutuma bantu kudi mukalenga wa bena Izrayele Yowashe, muana wa Yowakaze, ne muikulu wa Yehu. Bantu abu, kuya kuambila Yowashe ne: “Luaku tuluangane nebe.”

Nsumuinu 10:23

Bubi budibu benza budi busankisha muntu mutatakane. Meji adi muena lungenyi upeta adi amusankisha.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 20:18

Bidi bantu bajadika bidi bikumbana padibu bafila meji malenga. Pawikala musue kuluangana mvita, anji kudilongolola bimpe.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?