2 Samuele 2:13 - MUKANDA WA MYIDI MUKULU

¹³ Yowabe, muana wa Seruya, ne bena mvita bavua balame Davide, kutuadijabu kabidi luendu. Bisumbu ebi bibidi bia bena mvita, kusambakena pabuipi ne dijiba dia Ngibone. Kuelabu mualu wa mvita, aba ku luseke, bakuabu ku luseke lua dijiba adi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yoaba, muana wa Seluya, ne bantu bakuabo ba Davidi bakaluhuka, bakasambakena nʼabo hehi ne dishiha dia mu Gibeona; bakashikama hanshi, bakuabo ku muelelu umue wa dishiha, bakuabo ku muelelu mukuabo wa dishiha.

2 Samuele 2:13 ပူးပေါင်းရင်းမြစ်များ

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 20:8

Bobu bamane kufika pabuipi ne dibue dinene dia mu Ngibone, Amasha kubapeta. Yowabe uvua muvuale bia mvita. Uvua ne mukaba wa nkonka. Ku mukaba aku, uvua muaseku muela muikale mu tshibubu. Pavua Yowabe wenda usemena, muela kupatuka, kumata panshi.

2 Samuele 23:24

Mu “tshisumbu tshia bena mvita Makumi asatu” muvua kabidi Ashayele, muanabu ne Yowabe; Elanane, muana wa Dodo, wa mu musoku wa Betleyeme;

2 Samuele 8:16

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua umanyisha bantu malu a mu bukalenga.

1 Bakalenga 1:7

Adoniya kutuadija kumyuangana ne Yowabe, muana wa Seruya, mfumu wa bena mvita. Kumvuanganaye kabidi ne mutuangaji Abiyatare. Bonsu babidi kuditua ku tshiende.

1 Bakalenga 2:5

“Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

1 Kulondolola 11:6

Davide kuamba ne: “Muntu wadianza kushipa muena Yebusa, neashale mfumu mulombodi wa bena mvita bonsu.” Nanku Yowabe, muana wa Seruya, kudianza kushipa muena Yebusa. Ke yeye kushala mfumu wa tshiluilu.

1 Kulondolola 2:16

Ishayi uvua ne bana ba bakaji babidi: Seruya ne Abigayile. Bana ba balume ba Seruya badi basatu: Abishayi, Yowabe ne Ashayele.

Yirmeya 41:12

Kuyabu ne bantu babu bua kuluisha Ishemayele. Kumukuatabu ku dijiba dinene dia mu Ngibone.

1 Samuele 26:6

Davide kubikila Akimeleke, muena Iti, ne Abishayi. (Abishayi ne Yowabe bavua bana ba Seruya, yayende wa Davide). Davide kubakonka ne: — Nnganyi wa kunudi utudi mua kuya nende too ne ku mitanda ya Shawule? Abishayi kuitaba ne: — Netuye nebe.