2 Samuele 2:1 - MUKANDA WA MYIDI MUKULU

¹ Bionsu ebi bimane kupita, Davide kukonka Maweja-Nangila ne: — Ndi mua kuya kusomba mu tshimenga tshikuabu tshia ku bimenga bia Yuda anyi? Maweja-Nangila ne: — Eyowa. Davide kumukonka kabidi ne: — Ndi mua kuya mu tshimenga kaayi? Maweja-Nangila kuandamuna ne: — Udi mua kuya mu Ebrone.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua bualu ebu Davidi wakebesha Yehowa ne, Nenye ku umue wa misoko ya Bena Yuda, anyi? Yehowa wakamuambila ne, Ya biebe. Davidi wakamuebesha ne, Nenye ku musoko kai? Wakamuambila ne, Ku Hebelone.

2 Samuele 2:1 ပူးပေါင်းရင်းမြစ်များ

Genese 13:18

Abrame kuasa mitanda yende muinshi mua mitshi ya tshijila ya Mambre pabuipi ne tshimenga tshia Ebrone. Muaba awu kuashilaye Maweja-Nangila tshilambuilu.

Genese 32:2

Yakobe kutungunuka ne luendu, kusambakenaye ne batumibue ba Mvidi Mukulu.

2 Samuele 15:7

Bidimu binayi bimane kukumbana, dituku dikuabu, Absalome kulomba mukalenga Davide ne: — Ndi musue kuya mu tshimenga tshia Ebrone, bua kukumbaja bualu bumvua mulaye Maweja-Nangila.

2 Samuele 2:11

Davide kushala mukalenga wa bena Yuda mu Ebrone, bidimu muanda mutekete ne tshitupa.

2 Samuele 5:19

Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

2 Samuele 5:23

Dayide kukonka kabidi Maweja-Nangila. Maweja-Nangila kuandamuna ne: — Kuena mua kubaluisha muaba ewu to! Kadi ubapingane pa nyima. Usemene pabuipi nabu ku mpenga kua ditu dia mitshi ya mikokuliye.

1 Bakalenga 2:11

Davide uvua mushale mu bukalenga bua bena Izrayele bidimu makumi anayi, mmumue ne: bidimu muanda mutekete ku Ebrone, bidimu makumi asatu ne bisatu mu Yerushalayime.

1 Kulondolola 29:7

tudi basue kufila bintu bia kuenza nabi mudimu wa nzubu wa Mvidi Mukulu. Netufile kilo binunu lukama ne makumi muanda mutekete ya mpawungi, nkanu ya mpawungi binunu dikumi, tshiamu tshitoke tshia mushinga mukole kilo binunu nkama isatu, tshiamu tshikunze tshia bujitu bua kilo binunu nkama isambombu, tshiamu tshifike tshia bujitu bua kilo bitotu bisatu.

2 Kulondolola 11:10

Sora, Ayalone ne Ebrone. Bimenga bikolesha ne bimana ebi, bivua mu buloba bua bena Yuda ne bua bena Binyamine.

Misambu 143:8

Ummanyishe bulenga buebe ne dinda dionsu, bualu ndi mutekemene kuudi; ummanyishe njila wa meme kulonda, bualu ndi mutume muoyi wanyi kuudi.

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Dibadika 13:22

Kubuelabu mu ditunga luseke lua kuinshi. Kufikabu pabuipi ne Ebrone, muaba uvuabu base kudi bena Akimane, bena Sheshayi ne bena Talmayi. Bonsu aba ndelanganyi ya Anake, muntu wa mpolondu. (Bavua base tshimenga tshia Ebrone, bidimu muanda mutekete bangabanga ne kuasa tshimenga tshia Tanise mu Ejipitu.)

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Yoshua 15:13

Kalebe, muana wa Yefune, uvua mupete tshitupa tshia buloba bua bena Yuda, anu bu muvua Maweja-Nangila mumane kuambila Yoshuwa. Bavua bamupesha tshimenga tshi Kiriyate-Arba, tshidibu binyika Arba, nkambua wa bena Anake. Kadi lelu badi binyika tshimenga tshia Arba dina dikuabu dia Ebrone.

Balombodi 1:1

Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

1 Samuele 10:22

Kukonkabu kabidi Maweja-Nangila ne: — Muntu ewu mmufike muaba ewu anyi? Maweja-Nangila kuandamuna ne: — Nuye kutangila munkatshi mua mabuki, ke muaba udiye musokome.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.

1 Samuele 30:31

ku Ebrone, ne bavua mu misoku yonsu ivua Davide mupitshile ne bantu ba-vuaye nabu.