2 Samuele 19:9 - MUKANDA WA MYIDI MUKULU

⁹ Ke mukalenga Davide kuya kusomba pabuipi ne tshiibi tshia ku tshimenga. Kumanyishabu bena mvita bonsu bualu abu. Kufikabu bonsu muaba uvua mukalenga Davide. Bena mvita ba Absalome bavua bamane kunyema. Muntu yonsu wa kudibu uvua muye ku nzubu kuende.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu bonso ba mu bisamba bionso bia Bena Isalele bakatandangana bamba ne, Mukelenge wakatusungila mu bianza bia bena lukuna betu; wakatusungila mu bianza bia Bena Peleshete kabidi, ne katataka yeye wakanyema mumuke mu buloba bualu bua Abashaloma.

2 Samuele 19:9 ပူးပေါင်းရင်းမြစ်များ

2 Samuele 15:14

Nanku, mukalenga Davide kuambila balombodi ba mu bukalenga buende bonsu bavuaye nabu mu Yerushalayime ne: — Jukayi, tunyeme, bualu Absalome neakebe mua kutushipa. Kena mua kutulekela ne muoyi to. Tuyayi lubilu, bualu neafike lukasa bua kutuluisha. Neatukengeshe bikole, kabidi neabutule bena mu tshimenga bonsu.

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

2 Samuele 19:10

Mu bisamba bionsu bia bena Izrayele, bantu kutuadija kukonkangana, bamba ne: “Mukalenga Davide ke uvua mutusungidile mu bianza bia baluishi betu, nangananga mu bianza bia bena Peleshete. Kadi uvua munyeme mu ditunga emu anu bua Absalome.

2 Samuele 19:40

Bantu bonsu kusabuka Yardene, uvua mukalenga Davide mumane kusabuka kumpala. Mukalenga Davide kupukila Barzilayi, kumuela lupemba. Pashishe, Barzilayi kupingana ku nzubu kuende.

2 Samuele 22:44

Udi mumpikule kudi bantu banyi, badi bantombokela. Udi mundame, nshala mukalenga wa bisamba. Bantu bandi tshiyi mumanye, badi bangenzela mudimu.

2 Samuele 5:20

Nanku Davide kuya ku Bale-Perashime, kutshimuna bena Peleshete muaba awu, wamba ne: — Maweja-Nangila mmupandulule baluishi banyi kumpala kuanyi, anu bu mudi musulu upanda nkita. Ke padibu binyika muaba awu ne: Bale-Perashime, mmumue ne: “Mfumu udi upanda nkita.”

Misambu 18:43

Ndi mbavingutula, mbenza lupuishi, ludi mvunde upepula, mbadiata bu bitotshi bia mu njila.

Ekesode 32:24

Meme panyi kubalomba ne: badi ne tukanu tua tshiamu tshia mpawungi ku matshi, batuntuadile. Bafika natu, meme kutuela mu kapia, nkaadi mmona amu kana ka ngombe kapatukamu.

1 Samuele 17:50

Nanku Davide kutshimuna Ngoliyate, kumushipa anu ne ndundu wa nyunyi ne lusoka, kayi ne muela.

1 Samuele 18:25

Ke Shawule kubatuma ne: — Ambilayi Davide ne: “Mukalenga Shawule kena ukulomba lupetu lua tshibidilu bua dibaka edi to. Kadi, udi ukulomba anu makoba lukama a misosu ya bena Peleshete, bua kusombuelaye baluishi bende.” Shawule uvua wela meji ne: ke mudibu mua kushipa Davide kudi bena Peleshete.

1 Samuele 19:5

Uvua mua kufua mu mvita iwaye uluangana ne Ngoliyate muena Peleshete. Dituku adi, Maweja-Nangila kuambuluisha bena Izrayele, kutshimunabu bena Peleshete bikole. Wewe uvua mumone bionsu abi, wewe kusanka bikole. Kadi mpindiewu, udi musue kupia tshibawu, kumatshisha mashi a muntu udi kayi ne bualu panshi bua tshinyi? Udi ukeba kushipa Davide kayi ne tshidiye muenze bua tshinyi?