2 Samuele 19:43 - MUKANDA WA MYIDI MUKULU

⁴³ Bena Yuda kuandamuna ne: — Mukalenga Davide mmulele wetu menemene! Kabiyi bu bienu to. Kadi nudi nufika munda bua bualu ebu bua tshinyi? Mukalenga Davide ke udi utudisha anyi? Tshidiye mutupeshe ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Bena Isalele bakakudimuna Bena Yuda dî ne, Tuetu tudi bituha dikumi bia mukelenge, nunku tudi tunuhita bungi bualu bua Davidi; nuakatulengulula bua tshinyi? Kanuakatukonka diambedi hanuakahingisha mukelenge wetu bualu kai? Kadi mei a Bena Yuda akatamba mei a Bena Isalele bukole.

2 Samuele 19:43 ပူးပေါင်းရင်းမြစ်များ

2 Samuele 19:14

Pashishe, nuye kungambidila Amasha ne: “Kuena mulele wanyi anyi? Nanku, Mvidi Mukulu annyoke ne dinyoka dikole, pangikala tshiyi mukupingaje muaba wa Yowabe kashidi, bua wewe kuikala mulombodi wa bena mvita banyi!”

2 Samuele 19:9

Ke mukalenga Davide kuya kusomba pabuipi ne tshiibi tshia ku tshimenga. Kumanyishabu bena mvita bonsu bualu abu. Kufikabu bonsu muaba uvua mukalenga Davide. Bena mvita ba Absalome bavua bamane kunyema. Muntu yonsu wa kudibu uvua muye ku nzubu kuende.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 20:6

Nanku, mukalenga Davide kuambila Abishayi ne: — Mpindiewu, Sheba udi ne lonji lua kutuenzela bibi mupite Absalome. Nanku uye ne bena mvita badi bandame meme. Ulondakaje nabu muntu ewu Sheba, kayi muanji kuya kusokoma mu bimenga bidi ne bimana bikole, bua kutunyemaye.

2 Samuele 5:1

Bantu ba mu bisamba bionsu bia bena Izrayele, kuya kudi Davide mu Ebrone bamuambila ne: — Tudi nebe bena muntu, bena diku dimue.

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 18:19

Muanenu uuvua upenda udi bu tshimenga tshidibu bakolesha ne bimana: mbikole bua wewe kuakula nende. Matandu a bena muntu mmakole, adi bu milonda ya kukanga nayi bimana.

Rome 12:21

Kuanyishi bua malu mabi akupite bukole. Kadi watshimune ku dienza dia malu mimpe.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Ngalate 5:26

Kanuditambishi, katufikishanganyi munda, katutekedianganyi lubabu.

Filipe 2:3

Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

Yakobe 1:20

Bualu muntu ne tshiji, kena wenza malu adi Mvidi Mukulu musue.

Balombodi 8:1

Bena Efrayime kukonka Ngideyone ne: — Udi mutuenze nenku bua tshinyi? Pauvua uya kuluisha bena Madiyane, kuena mutubikile petu bua tukuambuluishe bua tshinyi? Kutandishabu Ngideyone bikole.

Balombodi 9:23

Pashishe Mvidi Mukulu kutuma tshimvundu pankatshi pa mukalenga Abimeleke ne bena Shekeme, kabatshiyi bumvuangana kabidi to. Bena Shekeme kutombokela Abimeleke.