2 Samuele 19:32 - MUKANDA WA MYIDI MUKULU

³² Barzilayi, wa mu musoku wa Rogelime, mu ditunga dia Ngilaade, uvua mupueke kabidi ku Yardene. Yeye ke uvua musabuke musulu awu ne mukalenga Davide, bua kushiya mukalenga dishiya.

Mukanda wa Nzambi Dihungila Dikulukulu ne Dihungila Dihia-dihia 2003

³² Bâzilai wakadi muntu mununu, bidimu biandi biakadi makumi muanda mukulu; yeye wakadisha mukelenge hakadiye mushale ku Mahanayima, bualu bua yeye wakadi muntu mubanji be.

2 Samuele 19:32 ပူးပေါင်းရင်းမြစ်များ

Genese 25:7

Abrahame mumane kukulakaja, mukumbaje bidimu lukama makumi muanda mutekete ne bitanu,

Genese 47:28

Yakobe ukumbaja bidimu dikumi ne muanda mutekete mu Ejipitu, bidimu biende bionsu kuenza lukama makumi anayi ne muanda mutekete.

Genese 5:27

Bidimu bia Metushela bidi nkama tshitema makumi asambombu ne tshitema. Pashishe kufuaye.

Genese 50:26

Yozefe kufua, mumane kukumbaja bidimu lukama ne dikumi. Kuluishabu tshitalu tshiende ne mafuta a manananshi bua katshibodi. Kutshitekabu mu mushete wa mabue mu Ejipitu.

Genese 9:29

Bidimu bia Nowa bidi nkama tshitema ne makumi atanu. Pashishe kufuaye.

2 Samuele 19:33

Barzilayi uvua muntu mukulumpe wa bidimu makumi muanda mukulu. Bu nuwuaye mubanji munene, uvua mua kupesha mukalenga Davide biakudia pawaye ku Makanayime.

2 Bakalenga 15:20

Nanku, bua Menaheme kupeta tshiamu tshitoke tshia mushinga mukole atshi, uvua ulambuisha bena Izrayele tshitadi. Muntu yonsu uvua mumanyike bikole, uvua ulambula nkanu ya tshiamu tshitoke tshia mushinga mukole makumi atanu. Pule, mukalenga wa bena Ashure, upeta nkanu ivua bantu bafile ayi, kumuka mu ditunga dia bena Izrayele, kupingana kuende.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Nsumuinu 16:31

Nsuki mitoke nnsala wa kalumbandi, bualu amu bantu bakane ke badi balala matuku mavule pa buloba.

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Dielulula 34:7

Moshe ufuile muikale ne bidimu lukama ne makumi abidi. Kadi, utshivua anu ne bukole bua bungi, kayi muanji kukulakaja to. Mesu ende atshivua anu amona bimpe.

1 Samuele 25:2

Mu musoku wa Mayone muvua muntu mubanji. Uvua ne mikoku binunu bisatu ne mbuji tshinunu. Uvua kabidi ne mpangu yende ku musoku wa Karmele. Muntu ewu, uvua muye ku Karmele bua kukosa miosa ya bimuna biende.