2 Samuele 19:29 - MUKANDA WA MYIDI MUKULU

²⁹ Bantu bonsu bavua bashale mu nzubu mua kaku wanyi Shawule, wewe uvua amu mua kubashipa bonsu. Kadi mukalenga kuena muenze nanku to! Wewe kungakidila bua ngikale ndia nebe ku mesa. Nanku, tshiena ne tshikuabu tshindi mua kukulomba kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mukelenge wakamuambila ne, Utshidi ungambila bualu buebe bua tshinyi? Ndi ngamba ne, Wewe ne Siba nuabanyangane buloba.

2 Samuele 19:29 ပူးပေါင်းရင်းမြစ်များ

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

2 Samuele 19:30

Mukalenga kuandamuna ne: — Eyowa mbimpe. Biudi mumane kuamba abi mbikumbane. Ndi njadika ne: Siba ne wewe Mefibaale nenuabanyangane maloba a Shawule.

2 Samuele 9:2

Mu nzubu mua Shawule muvua muena mudimu mukuabu, dina diende Siba. Kuyabu nende kudi mukalenga Davide. Davide kumukonka ne: — Wewe ke Siba anyi? Siba kuitaba ne: — Eyowa, mukalenga, mmeme.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Samuele 9:9

Ke mukalenga Davide kubikidishaye Siba, muena mudimu wa Shawule, umuambila ne: — Bintu bionsu bivua bia Shawule mfumuebe, ne bia bena nzubu wende, ndi mbipesha muikuluende Mefibaale.

Misambu 101:5

Nempuwishe bantu badi bajana bakuabu mu musokoku. Tshiena mua kubuikidila bantu badi bapetula bakuabu, ne badi baditambisha.

Misambu 82:2

“Nenulumbuluishe bantu ne kansungansunga, bua kubingisha badi bapila too ne ku diba kaayi?

Nsumuinu 18:13

Muntu udi wandamuna lukonku kayi muanji kuteleja bimpe, udi uleja bupote buende; neafue bundu kabidi.

Bienzedi 18:15

Kadi bu munudi amu nuelangana mpata bua miaku, bua mena, ne bua mikenji yenu, abi bidi binutangila amu nuenu nkayenu. Tshiena musue kukosa bilumbu bia nenku to!