2 Samuele 19:24 - MUKANDA WA MYIDI MUKULU

²⁴ Mukalenga Davide kuambila Shimeyi ne: — Ndi nditshipa ne: kabena mua kukushipa to.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Mefibosheta, muana wa Shaula, wakalua bua kusangakeneye ne mukelenge; yeye kakanza kulongolola makasa andi anyi kubeya muedi wandi anyi kuvuwa bilulu biandi ku dituku diakumuka mukelenge tô ne hakahinganeye talalâ.

2 Samuele 19:24 ပူးပေါင်းရင်းမြစ်များ

2 Samuele 12:20

Ke Davide kujuka panshi, kuowa mayi, kulaba manananshi, kuvuala bilamba bimpe. Kuyaye muaba wa tshijila bua kutendelela Maweja-Nangila. Upingana ku nzubu kuende, kulombaye biakudia, kudiaye.

2 Samuele 15:30

Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

2 Samuele 16:3

Mukalenga Davide kumukonka kabidi ne: — Mefibaale, muikulu wa mfumuebe Shawule udi penyi? Siba kuandamuna ne: — Mmushale mu Yerushalayime. Bualu mmutekemene ne: mpindiewu bena Izrayele badi bamupingajila bukalenga bua kakuende Shawule.

2 Samuele 9:11

Kuambilaye Davide ne: — Mukalenga, nenkumbaje bionsu biudi mungambile. Kadi misangu yonsu Mefibaale neikale ne tshibidilu tshia kudia nanyi ku mesa, bualu mmuana wa ku ndelanganyi ya Shawule.

1 Bakalenga 2:8

Uvuluke Shimeyi, muana wa Ngera, wa mu musoku wa Bakurime, udi mu buloba bua bena Binyamine. Uvua muntshipe bikole bitambe, dituku dimvua nnyema bua kuya ku Makanayime. Kadi, pamvua mpingana mu Yerushalayime, kupuekaye ku Yardene bua kungakidila. Nanku, mvua mumulaye kumpala kua Maweja-Nangila ne: tshiakukushipesha nansha.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Rome 12:15

Sankayi ne badi basanka, nudile ne badi badila.

Ebrewu 13:3

Nuenzele badi mu nzubu wa lukanu bu munutota mua kujinga bua banuenzele mu lukanu. Nuvuluke badibu bakengesha bualu nudi penu ne mubidi.