2 Samuele 19:11 - MUKANDA WA MYIDI MUKULU

¹¹ Absalome ke utuvua badisunguile nkayetu bua kuikalaye mukalenga. Mpindiewu mmumane kufua mu mvita. Kadi bua kulomba mukalenga Davide, apingane mu Yerushalayime, tshitudi bindile ntshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukelenge Davidi wakatuma mukenji kudi Sadoka ne Ebeyatâ bakuidi wamba ne, Nukonke bakulu ba mu Yuda ne, Nuenu nutshidi bashadile ku nyima bua kuhingisha mukelenge ku nsubu wandi bualu kai? Bualu bua Bena Isalele bonso hakamana kuhunga dî bua kuhingisha mukelenge ku nsubu wandi.

2 Samuele 19:11 ပူးပေါင်းရင်းမြစ်များ

2 Samuele 15:29

Nanku batuangaji Sadoke ne Abiyatare kupingana ne mushete wa tshijila mu Yerushalayime, kusombamu.

2 Samuele 18:14

Yowabe kuamba ne: — Tshiena mua kuelangana nebe mpata. Ndi njimija diba dianyi. Yowabe kuambula misongolu mitue isatu, kuya kuyasa Absalome mu tshiadi pa muoyi. Bualu katshia Absalome ukalama mu matamba a mutshi, kavua muanji kufua to, utshivua ne muoyi.

2 Samuele 18:15

Bansongalume dikumi bena mvita, bavua bambula bia mvita bia Yowabe, inyunguluka Absalome, kumushipa kashidi.

2 Samuele 19:10

Mu bisamba bionsu bia bena Izrayele, bantu kutuadija kukonkangana, bamba ne: “Mukalenga Davide ke uvua mutusungidile mu bianza bia baluishi betu, nangananga mu bianza bia bena Peleshete. Kadi uvua munyeme mu ditunga emu anu bua Absalome.

2 Samuele 19:41

Mukalenga Davide kuya ne Kimhame ku Ngilaade. Bena Yuda bonsu, ne tshia bibidi tshimue tshia bena Izrayele bavua ku mutu mu ditunga, kuyabu ne mukalenga Davide.

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

2 Tesalonike 3:9

Tuvua benze nanku, ki mbua se katuvua ne bukokeshi bua kupeta diambuluisha kunudi. Kadi tuvua basue kunuleja tshilejilu tshia nuenu kulonda.