2 Samuele 18:32 - MUKANDA WA MYIDI MUKULU

³² Mukalenga Davide kumukonka ne: — Absalome muana udi bimpe anyi? Muena Kushe kuandamuna ne: — Mukalenga tudi tujinga ne bionsu bidi bienzekela nsongalume ewu, bienzekele baluishi bebe ne bantu bonsu badi bakutombokela!

Mukanda wa Nzambi Dihungila Dikulukulu ne Dihungila Dihia-dihia 2003

³² Mukelenge wakebesha Muena Kushi ne, Nsongalume Abashaloma udi talalâ, anyi? Muena Kushi wakamukudimuna ne, Bena lukuna ba mukelenge wanyi ne bonso bakabika bua kukuenzela bibi bikale bu nsongalume au.

2 Samuele 18:32 ပူးပေါင်းရင်းမြစ်များ

2 Samuele 18:21

Nanku, Yowabe kutumina mupika wa bena Kushe diyi ne: — Wewe uye kuambila mukalenga Davide bionsu biudi mumone mu mvita. Mupika kutua mpala panshi kumpala kua Yowabe, kuya lubilu.

2 Samuele 18:29

Mukalenga Davide kumukonka ne: — Absalome muana udi bimpe anyi? Akimase kuandamuna ne: — Pavua Yowabe mututume, meme ne muena mudimu webe mukuabu, mvua mumvue mutoyi mukole bu bantu bunguile kaba kamue, bela mbila. Kadi tshiena mumanye tshidi tshienzeka to.

Misambu 109:20

Ke mudi Maweja-Nangila wenzela bonsu badi bansonguela kudiye, ne badi banjana nanku.

Danyele 4:16

Daniyele udibu binyika kabidi ne: Beltashare, kumvua bowa katupa, meji ende kulubakana. Mukalenga kumuambila ne: — Beltashare, tshilota etshi ne diumvuija diatshi, kabikuenji bowa nansha! Beltashare kumukudimuna ne: — Mukalenga, tshilota etshi ne diumvuija diatshi, bu biobi mua kutangila amu baluishi bebe!

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.