2 Samuele 18:3 - MUKANDA WA MYIDI MUKULU

³ Kadi bena mvita kubenga, bamba ne: — Nansha, kuena mua kuya netu to. Bualu pikala baluishi batutshimuna, tuetu banyema, baluishi kabena batukeba tuetu to. Nansha baluishi bashipe tshia bibidi tshimue tshia bena mvita betu, kabena bamona bu bualu to. Badi bakukeba anu wewe. Bualu wewe nkayebe udi mupite bena mvita betu binunu dikumi. Nanku tudi basue bua ushale mu tshimenga, bua wikale utuambuluisha, ututumina bitudi tukengela.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi bantu bakamuambila ne, Kuyi nansha; bualu bua bituanyema, kabena nʼetu bualu; biashihabo tshituha tshia buonso buetu, kabena nʼetu bualu nansha; wewe udi uhita binunu bietu dikumi mushinga mukole; bidi bitamba buimpe bua wewe kudilongolola bua kutukuatshisha ku musoko.

2 Samuele 18:3 ပူးပေါင်းရင်းမြစ်များ

2 Samuele 10:11

Yowabe kuambila muanabu Abishayi ne: — Pikala bena Siriya bampite bukole, wewe neungambuluishe. Kadi pikala bena Amone bakupite bukole, meme nenkuambuluishe.

2 Samuele 17:2

Nemmukuate, pikalaye yeye mumane kupungila, mmuteketa mu maboku. Nemmukuatshishe bowa. Nanku bantu bonsu badiye nabu nebanyeme. Diba adi nenshipe anu Davide nkayende.

2 Samuele 21:17

Kadi Abishayi, muana wa Seruya, kusungidila mukalenga Davide, kushipa muena Peleshete awu. Ke bena mvita kuambila mukalenga Davide ne: kuena mua kuya netu kabidi mu mvita to. Bualu wewe udi bu muendu wa bena Izrayele udi kauyi mua kujima.

1 Bakalenga 22:31

Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

1 Samuele 18:7

Bavua batuma misambu, bapunguluja, bela mbila ne disanka ne: “Shawule mmushipe baluishi tshinunu. Davide mmushipe binunu makumi ne makumi.”